Dhirendra Shastri: બાગેશ્વર ધામ બાબાનો કોણ કરે છે વિરોધ? બાબાની ગુજરાતમાં એન્ટ્રી કોને ખટકે છે? જુઓ Video
બાબા બાગેશ્વરના ગુજરાત પ્રવાસને લઈ તડામાર તૈયારીઓ ચાલી રહી છે. રાજ્યના 3 મહાનગોરમાં તૈયારીઓને આખરી ઓપ અપાઇ રહ્યો છે. ત્યારે આ વચ્ચે કેટલાક વિરોધના સૂર સામે આવ્યા છે. જેના પર Tv9 દ્વારા ખાસ ચર્ચા કરાઇ હતી.
ગુજરાતમાં બાગેશ્વર સરકાર કે જે પોતાના ચમત્કારોથી જાણીતા થયેલા બાબા બાગેશ્વર ધામ સરકાર ધીરેન્દ્ર શાસ્ત્રી 26 મેથી 2 જૂન સુધી ગુજરાતના પ્રવાસે છે. બાબાના ગુજરાત પ્રવાસ પહેલા રાજ્યના 3 મહાનગરોમાં તૈયારીઓને આખરી ઓપ અપાઈ રહ્યો છે અને બાબાના ભવ્ય દરબારની તૈયારી તેજ થઈ છે તો ધીરેન્દ્ર શાસ્ત્રીના રોકાણ માટે ખાસ વ્યવસ્થા કરવામાં આવી છે. બાબા માટે આલિશાન અને વૈભવશાળી વિશ્રામગૃહ તૈયાર કરાઇ રહ્યું છે, જ્યાં બાબા રોકાણ કરશે. તો બાબાના કાર્યક્રમમાં નેતાઓને પણ આમંત્રણ આપવામાં આવશે.
આયોજકોનો દાવો છે કે CM, પાટીલ સહિત નેતાઓને કાર્યક્રમ માટે આમંત્રણ અપાશે. પરંતુ પોતાના ચમત્કાર માટે જાણીતા બાબાના આગમન પહેલા જ તેમની સામે વિરોધનો વંટોળ સર્જાયો છે. એક તરફ બાબાને પડકાર ફેંકનાર સહકારી આગેવાન પરસોત્તમ પીપળીયા પોતાને ધમકી મળ્યાનો દાવો કરે છે તો બીજી તરફ અમદાવાદના તબીબે બાબાને પડકાર ફેંકીને કીડની અને કેન્સરના દર્દીઓના દુઃખ દૂર કરવાની વાત કરી છે. આ બધાની વચ્ચે કરણી સેના બાબાના સમર્થનમાં આવી છે. કરણી સેનાએ બાબાનો વિરોધ કરનારાને સીધા દોર કરવાની ચીમકી આપી દીધી છે.
ગુજરાતના તમામ સમાચાર અને બ્રેકિંગ ન્યૂઝ ગુજરાતીમાં વાંચો tv9gujarati.com પર
