બનાસકાંઠાના દિયોદરની લીલાધર પ્રાથમિક શાળામાં શિક્ષક તરીકે ફરજ બજાવતા બિપીન ગુજરાલની ધાનેરા તાલુકાની છીંડીવાડી પ્રાથમિક શાળામાં બદલી કરવામાં આવી છે. આ બદલીથી ગ્રામજનો રોષે ભરાયા છે. શિક્ષકની બદલીથી ભડકેલા ગ્રામજનોએ શાળાને તાળાબંધી કરીને વિરોધ નોંધાવ્યો હતો.
આ પણ વાંચો : Good News: બનાસકાંઠા દાંતા તાલુકાના ધાબાવાળી ગામમાં વર્ષો બાદ વીજળી આવતા ગ્રામજનોમાં ખુશી
બિપીન ગુજરાલ વિરુદ્ધ વિદ્યાર્થિનીઓને અશ્લિલ વીડિયો બતાવ્યો હોવાના આક્ષેપ લાગ્યા હતા. જેના પગલે ગુજરાલની દિયોદરની લીલાધર પ્રાથમિક શાળામાંથી છીંડીવાડી પ્રાથમિક શાળામાં બદલી કરવામાં આવી છે. પંરતુ છીંડીવાડીના ગ્રામજનોએ શિક્ષકને શાળામાં પ્રવેશનો વિરોધ નોંધાવી શાળાને તાળાબંધી કરી છે અને બિપીન ગુજરાલને શાળામાં પ્રવેશ નહીં આપવા અંગે ઉગ્ર માગ કરી છે.
આ અગાઉ પણ વડોદરામાં વિદ્યાર્થિની સાથે અડપલા કરનાર લંપટ શિક્ષક પોલીસ સકંજામાં આવી ગયો હતો. વડોદરામાં ધોરણ આઠની વિદ્યાર્થિની સાથે શારિરીક અપડલા કરનાર ખાનગી ટ્યુશન ક્લાસિસના શિક્ષકની ધરપકડ કરવામાં આવી હતી. વિદ્યાર્થિનીના પરિવાજનોની ફરિયાદને આધારે પોલીસે આ અંગે કાર્યવાહી કરી હતી.
