મહેસાણાની કાવેરી સ્કૂલમાં ભણતરને બદલે વિદ્યાર્થીઓ પાસે મજૂરી કામ! ઈંટ ઉંચકાવતા તપાસના આદેશ

માસૂમ બાળરોને અભ્યાને બદલે મજૂરી કામ કરાવાતું હોવાના દ્રશ્યો એક વાયરલ વીડિયોમાં જોવા મળ્યા હતા. એક તરફ સરકાર બાળ મજૂરી અટકાવવા માટે પૂરા જોરથી કામ કરી રહી છે. ત્યાં મહેસાણાની એક શાળામાં વિદ્યાર્થીઓના કુમળા હાથમાં નોટ-પેન કે ચોપડીને બદલે ઈંટો ઉંચકાવતી નજર આવી છે. જેનો વીડિયો વાયરલ થવાને લઈ હવે શાળા સામે સવાલો પેદા થવા લાગ્યા છે.

મોંધીદાટ ફી વડે વાલીઓને લૂંટતી શાળાઓ સામે આમ પણ સામાન્ય રીતે રોષ ફેલાયેલો હોય છે, ત્યાં કાવેરી સ્કૂલના આ વીડિયોથી વધુ રોષ ફેલાયો છે. કાવેરી સ્કૂલનો વીડિયો વાયરલ થયો હોવાને મામલે હવે જિલ્લા શિક્ષણ વિભાગે આ મામલે તપાસના આદેશ આપ્યા છે. સ્થાનિક TPO અને બીટ કેળવણી નિરીક્ષકને તપાસ કરી અહેવાલ તૈયાર કરવા માટે આદેશ કર્યા છે. આમ એક દીવસમાં જ તપાસ રિપોર્ટ સામે આવતા આ મામલે આગળ કાર્યવાહી હાથ ધરાશે.

આ પણ વાંચોઃ  દરેક પોલીસ મથકમાં એક જ મોબાઇલ નંબર રહેશે કાયમી, PI, PSI અને PSO ને નવા ફોન ફાળવ્યા

મહેસાણા સહિત ગુજરાતના તમામ જિલ્લાના સમાચાર વાંચવા માટે અહીં ક્લિક કરો