Valsad: નનકવાડા વિસ્તારમાં સ્લેબ ધરાશાયી થતા ત્રણ જેટલા લોકો સ્લેબમાં દબાયા. દબાયેલા લોકોને સ્થાનિકો દ્વારા બહાર કાઢી હોસ્પિટલ ખસેડવામાં આવ્યા સાથે એપાર્ટમેન્ટમાં ફસાયેલા 5 લોકોને ફાયરની ટિમ દ્વારા બહાર કાઢવામાં આવ્યા છે. વલસાડ શહેરના નજીક આવેલ નનકવાડા ગ્રામ પંચાયતની બાજુમાં આવેલ શ્રી નિધિ એપાર્ટમેન્ટની બાલ્કની આજરોજ સાંજના અરસામાં અચાનક તૂટી પડી હતી, એ સમયે બાલ્કનીની નીચે ઉભેલી બે મહિલા અને એક યુવાન કાટમાળમાં દબાયા હતા.
આ પણ વાંચો : સીટી બસની ટક્કરે 18 વર્ષના યુવકનું મોત, જુઓ Video
ઘટનાની જાણ સ્થાનિકોને થતા તાત્કાલિક સ્થળ પર દોડી આવી સ્થાનિકોએ સ્લેબમાં દટાયેલા ત્રણ જેટલા લોકોને બહાર કાઢી તાકીદે વલસાડની સિવિલ હોસ્પિટલ ખાતે ખસેડવામાં આવ્યા હતા, તો એપાર્ટમેન્ટમાં રૂમમાં ફસાયેલા પાંચ જેટલા લોકોને વલસાડ નગરપાલિકાની ટીમ દ્વારા એપાર્ટમેન્ટના બહાર કાઢવામાં આવ્યા હતા. ગ્રામ પંચાયત દ્વારા તમામ લોકોને પંચાયત ઓફિસ ખાતે રાખવામાં આવ્યા છે અને એપાર્ટમેન્ટમાં ન જવાની સૂચનાઓ આપવામાં આવી છે અંદાજે 20 વર્ષ જૂનું એપાર્ટમેન્ટ છે અને એપાર્ટમેન્ટમાં અવારનવાર આવી સ્લેબ ધરાશાયી થવાની ઘટનાઓ સામે આવી છે.
વલસાડ સહિત ગુજરાતના તમામ જિલ્લાના સમાચાર વાંચવા માટે અહીં ક્લિક કરો
Published On - 8:40 pm, Mon, 3 July 23