રાજકોટમાં સંત કબીર રોડ પર ડમ્પરની અડફેટે પિતા-પુત્રના મોત બાદ પોલીસે કાર્યવાહીના નામે માત્ર ભારે વાહનની પ્રવેશબંધીનું પાટિયું લટકાડી દીધું હોય તેવી સ્થિતિ જોવા મળી હતી.ટીવી નાઈનના રિયાલિટી ચેકમાં જોવા મળ્યું કે રસ્તા પર બેરોકટોક ભારે વાહનો રસ્તા પર દોડી રહ્યા છે.
પોલીસના જાહેરનામા અનુસાર સવારે 8થી બપોરે 2 અને સાંજે 5 વાગ્યાથી રાત્રે 9 વાગ્યા સુધી ભારે વાહનના શહેરમાં પ્રવેશ પર પ્રતિબંધ છે. તેમ છતાં પોલીસના જાહેરનામાના લીરેલીરા ઉડાડી કોઈપણ જાતની પરવા કર્યા વગર ભારે વાહનો રસ્તા પર દોડતા જોવા મળ્યા હતા.પોલીસે માત્ર પાટિયું લગાવીને સંતોષ માની લીધો હોય તેમ વાહનચાલકો સામે કોઈ કાર્યવાહી ન કરાતા પોલીસની કામગીરી સામે પણ સવાલ ઉભા થઈ રહ્યા છે.