દિવાળીમાં ટ્રેનની સફર તો ઠીક કોચમાં ચઢવું પણ પડકારજનક બની રહ્યું છે, જુઓ સુરત રેલવે સ્ટેશનનો આ વિડીયો

સુરત : વ્યક્તિ વેપાર રોજગાર માટે વતન છોડી સેંકડો કિલોમીટર દૂર સુધીના સ્થળે સ્થાયી થાય છે. મોટાભાગના લોકોનો મહાપર્વ દિવાળી દરમિયાન પ્રયાસ દિવાળી અને નૂતન વર્ષની ઉજવણી વતનમાં પરિવાર સાથે કરવા વિચારતો હોય છે. સુરતમાં વતન જનારા લોકોની ભીડ વચ્ચે અફરાતફરીનાં દ્રશ્યો સર્જાયા હતા.

સુરતમાં ટેક્સટાઇલ , ડાયમંડ અને કેમિકલ ઇન્ડસ્ટ્રીઝ સાથે સંકળાયેલા સેંકડો લોકો વતન છોડી આ મહાનગરમાં સ્થાયી થયા છે.દિવાળી,નૂતનવર્ષ, ભાઈબીજ અને છઠના તહેવારના કારણે ટ્રેનોમાં ભારે ભીડ જોવા મળી રહી છે. દરેક લાંબા અંતરની ટ્રેન ખીચોખીચ ભરેલી છે. મુંબઈ, અમદાવાદ, સુરત વગેરે મહાનગરોથી ઉત્તરભારત જતી ટ્રેનોમાં ભીડ એટલી બધી છે કે લોકોને ચઢવા અને ઉતરવામાં પણ મુશ્કેલીનો સામનો કરવો પડી રહ્યો છે. સુરત રેલવે સ્ટેશનના મુસાફરોની ભીડના દ્રશ્યો સામે આવ્યા છે.