અમદાવાદ શહેરમાં આજે બપોપ પછી વરસાદી માહોલ સર્જાયો હતો. વર્તમાન ચોમાસામાં ગત સોમવારની રાત્રીએ વરસેલા સાર્વત્રિક વરસાદ બાદ, આજે અમદાવાદ શહેરના પશ્ચિમ વિસ્તારમાં અનેક સ્થળોએ ગાજવીજ સાથે વરસાદ વરસ્યો હતો. સાંજે એસ જી હાઈવે, સેટેલાઈટ, જોધપુર, વસ્ત્રાપુર, પ્રહલાદનગર સહિતના અનેક વિસ્તારોમાં વરસાદ વરસ્યો હતો.
નૈઋત્યના ચોમાસાએ ગઈકાલે સમગ્ર ગુજરાતને આવરી લીધુ છે. સમગ્ર ગુજરાતમાં ચોમાસુ બેસી ગયા બાદ આજે અમદાવાદ સહિત રાજ્યના અનેક વિસ્તારોમાં વરસાદ વરસ્યો હતો. દરમિયાન હવામાન વિભાગે આગાહી કરી છે કે, આગામી ત્રણ દિવસ ગુજરાતમાં વ્યાપક વરસાદ વરસવાની સંભાવના છે. હવામાન વિભાગની આગાહી અનુસાર, ઉત્તર ગુજરાત અને દક્ષિણ ગુજરાતમાં ભારેથી અતિ ભારે વરસાદ વરસશે. જ્યારે સૌરાષ્ટ્ર અને મધ્ય ગુજરાતમાં પણ વરસાદી વાતાવરણ રહેવાની સંભાવના છે.