હવામાન વિભાગની આગાહી અનુસાર આજે ગુજરાતમાં મેઘ મહેરની આગાહી કરવામાં આવી છે. આજે ગુજરાતમાં આઠ જિલ્લામાં વરસાદની આગાહી કરવામાં આવી છે. ભારે ગાજવીજ સાથે વરસાદ વરસી શકે છે.
સૌરાષ્ટ્ર અને મધ્ય ગુજરાતના બે – બે જિલ્લામાં વરસાદની આગાહી કરવામાં આવી છે. તેમજ દક્ષિણ ગુજરાતના અમુક જિલ્લામાં વરસાદની આગાહી કરવામાં આવી છે. અમરેલી, ભાવનગર, નવસારી, વલસાડ, ડાંગ, દાદરાનગર હવેલી, દમણ, છોટા ઉદેપુર, દાહોદ જિલ્લામાં વરસાદ વરસી શકે છે.
હવામાન વિભાગની આગાહી અનુસાર આજે રાજ્યમાં અમદાવાદ, અરવલ્લી, ગાંધીનગર, સુરેન્દ્રનગર સહિતના જિલ્લાઓમાં 39 ડિગ્રી મહત્તમ તાપમાન રહે તેવી સંભાવના છે. આ તરફ અમરેલી, આણંદ, બનાસકાંઠા, ખેડા, મહીસાગર, મહેસાણા, પંચમહાલ, પાટણ, સાબરકાંઠા, વડોદરા સહિતના જિલ્લાઓમાં 38 ડિગ્રી મહત્તમ તાપમાન રહે તેવી સંભાવના છે. આ ઉપરાંત ડાંગ, વલસાડ સહિતના જિલ્લાઓમાં 32 ડિગ્રી મહત્તમ તાપમાન રહે તેવી સંભાવના છે.