વડોદરા મહાનગરપાલિકાના કર્મચારીઓ હડતાળ પર ઉતર્યા છે. કર્મચારીઓએ મનપા કમિશનરની ગાડીને ઘેરી લીધી હતી. હડતાળ ઉગ્ર બનતા મનપા કમિશનર ચાલતા બંગલે જવા રવાના થયા હતા. પોલીસે એસ્કોર્ટ કરી કમિશનરને ઘરે પહોંચાડવાની નોબત આવી હતી. પાલિકા કચેરીથી એક કિલોમીટર સુધી કોન્ટ્રાક્ટ પરના કર્મચારીઓ વિરોધ કરતા જોવા મળ્યા હતા. આ કર્મચારીઓની માગ છે કે તેમની કોન્ટ્રાક્ટ પ્રથા રદ કરી કાયમી નોકરી કરવામાં આવે. તેમના પગારમાં વધારો કરવા સહિતના પ્રશ્નોનો નિકાલ કરવામાં આવે.
ઉલ્લેખનીય છે, વડોદરા પાલિકાના કોન્ટ્રાક્ટ કર્મચારીઓ આજથી હડતાળ પર ઉતર્યા છે. ફાયલેરિયા, સ્ટ્રીટ લાઇટ, પાણી અને સફાઇ કરનાર કર્મીઓ હડતાળ પર છે. અને તેઓ કોન્ટ્રાક્ટ પ્રથા રદ કરવા માગ કરી રહ્યા છે. જે માટે તેમણે મનપા કમિશનરની ગાડીનો પણ ઘેરાવ કર્યો. મહત્વનું છે, આ વિરોધમાં મનપામાં નવા સમાવાયેલા 7 ગામના કર્મચારીઓ પણ સામેલ છે.
Published On - 6:28 pm, Mon, 7 October 24