તમિલનાડુની પોલીસ સુરતના વેપારીઓને પરેશાન કરી હોવાનો આરોપ લાગ્યો છે. મળતી માહિતી મુજબ તમિલાનાડુ પોલીસ ગુજરાતના સોની વેપારીઓના એકાઉન્ટમાં ખોટા રૂપિયા જમા થયા હોવાના નામે એકાઉન્ટ ફ્રિઝ કરતા હોવાનો આક્ષેપ કરાયો છે. આ અંગે જ્વેલર્સે સરકારને રજૂઆત પણ કરી છે.
સુરતના વેપારીઓ હાલ તમિલનાડુ પોલીસના ગેરવર્તનનો સામનો કરી રહી છે. પોલીસ તેમના એકાઉન્ટમાં ખોટી રી તે પૈસા જમા થયો હોવાનું જણાવી એકાઉન્ટ ફ્રિઝ કરી રહી છે જેના કારણે વેપારીઓ તેમની નાણાકીય લેવડ-દેવડ માટે એકાઉન્ટનો ઉપયોગ કરી શકતા નથી અને આમ વેપારીઓને મોટું નુકસાન થઈ રહ્યું છે. આ ઘટનાને લઈને સુરતના જ્વેલરી ઉદ્યોગકારોએ રાજ્ય સરકારને રજૂઆત કરી છે અને ગુજરાત સરકારે આ બાબતે મદદની ખાતરી પણ આપી છે.
ગુજરાતના જ્વેલરી ઉદ્યોગકારોના તમિલનાડુ પોલીસ દ્વારા ખોટી રીતે હેરાનગતિ કરીને બેંક ખાતા ફ્રીઝ કરાતા વિવાદ ઉભો થયો છે. તામિલનાડુની પોલીસ ગુજરાતના ઉદ્યોગકારો પરેશાન કરી રહી હોવાના આક્ષેપો પણ લાગ્યા છે. તમિલનાડુની પોલીસ પહેલા તો વેપારીઓના બેંકમાં ખોટા રૂપિયા જમા થયા હોવાના અંગે જાણ કરે છે અને પછી ટૂંક સમય માટે તેમના ખાતા ફ્રીઝ કરી રહ્યા હોવાનું જણાવે છે. સુરતના જ્વેલરી ઉદ્યોગકાર દીપક ચોક્સીએ આ અંગે માહિતી આપી છે. તેમણે કહ્યું છે કે આમ ખાતા બંધ થઈ જતા તેમનો પૈસાનો લેવડ-દેવડનો વ્યવહાર અટકી ગયો છે.
આ બાબતને લઈ જ્વેલર્સ સરકાર ને રજૂઆત કરી છે. ગુજરાત સરકાર આ બાબતે યોગ્ય કાર્યવાહી શરુ કરી દીધી હોવાની પણ જાણકારી સામે આવી રહી છે.
