Surat: સાયબર ક્રાઈમ પોલીસે કરી સાયબર ગણેશની સ્થાપના, પ્રસાદમાં અપાય છે સાયબર ફ્રોડથી બચવાની ટિપ્સનું કાર્ડ, જુઓ Video
સુરતમાં સાયબર ક્રાઈમ પોલીસ (Surat Cyber Crime Police) દ્વારા જન જાગૃતિ માટે અનોખું આયોજન કરવામાં આવ્યું છે, સાયબર ક્રાઈમ પોલીસ દ્વારા બોલતા સાયબર ગણેશની સ્થાપના કરવામાં આવી છે. જ્યાં લોકોને સાયબર ક્રાઈમથી બચવા શું શું તકેદારીઓ રાખવી તેની માહિતી મળશે.
Surat : ગણેશોત્સવની શરુઆત થઈ ચુકી છે, ત્યારે સુરતમાં સાયબર ક્રાઈમ પોલીસ (Surat Cyber Crime Police) દ્વારા જન જાગૃતિ માટે અનોખું આયોજન કરવામાં આવ્યું છે, સાયબર ક્રાઈમ પોલીસ દ્વારા બોલતા સાયબર ગણેશની સ્થાપના કરવામાં આવી છે. જ્યાં લોકોને સાયબર ક્રાઈમથી બચવા શું શું તકેદારીઓ રાખવી તેની માહિતી મળશે.
હાલમાં ગણેશોત્સવ શરુ થઇ ચુક્યો છે, સુરતમાં વિવિધ થીમ અને પંડાલો બનાવી શ્રીજીની સ્થાપના કરવામાં આવી છે. તો બીજી તરફ લોકોમાં જાગૃતિ આવે તે માટે સુરત સાયબર ક્રાઈમ પોલીસ દ્વારા બોલતા સાયબર ગણેશની સ્થાપના કરવામાં આવી છે. મંદિરોમાં જેવી રીતે પ્રસાદી આપવામાં આવે છે તેવી જ રીતે સાયબરમાં બિરાજમાન બોલતા ગણેશના દર્શન કરવા આવતા ભક્તોને પ્રસાદમાં એક કાર્ડ આપવામાં આવે છે. આ કાર્ડમાં સાયબરની ટીપ્સ અને QR કોર્ડ હશે. મોબાઇલમાં QR કોર્ડ સ્કેન કરશે એટલે ઓનલાઇન ચીટીંગથી કેવી રીતે બચી શકાય તેનો વિડીયો સાથે માહિતીઓ આવી જશે.
સુરત પોલીસ કમિશનર અજય કુમાર તોમરે સૌ નાગરીકોને ગણેશ ચતુર્થીની શુભકામનાઓ આપતા જણાવ્યું હતું કે, સુરત સિટી સાયબર ક્રાઈમ પોલીસ દ્વારા ગણેશ ઉત્સવનું આયોજન કરવામાં આવ્યું છે. જેમાં ભગવાન શ્રી ગણેશ બધા નાગરિકોને સાયબર ક્રાઈમથી બચવા માટે કઈ કઈ તકેદારીઓ રાખવી તે બાબતની માહિતી આપતા જોવા મળશે. આ ઉપરાંત સાયબર ક્રાઈમ દ્વારા થતી કામગીરી અને જનજાગૃતિ માટેના તમામ સૂત્રો પણ આવરી લેવામાં આવ્યા છે.
સુરત સહિત ગુજરાતના તમામ જિલ્લાના સમાચાર વાંચવા માટે અહીં ક્લિક કરો