Narmada : રાજ્યની જીવાદોરી સમાન નર્મદાના સરદાર સરોવર ડેમની (Sardar Sarovar Dam) જળસપાટી 134 મીટર પર પહોંચી છે. હાલમાં સરદાર સરોવર ડેમમાં 49 હજાર ક્યુસેક પાણીની આવક થઈ રહી છે. નર્મદા ડેમમાં પાછલા ત્રણ કલાકમાં પાણીની સરેરાશ 70 હજાર ક્યુસેક આવક થઈ છે. જ્યારે કેનાલ હેડ પાવર હાઉસમાંથી અંદાજે 19 હજાર ક્યુસેક પાણીની જાવક નોંધાઈ છે. સરદાર સરોવર ડેમની મહત્તમ જળસપાટી 138.68 મીટર છે.
સરદાર સરોવર ડેમમાં સતત પાણીની આવકના કારણે વરસાદના વિરામ વચ્ચે પણ ડેમની જળ સપાટીમાં વધારો થઈ રહ્યો છે અને તેની મહત્તમ સપાટી 138.68 મીટર તરફ આગળ વધી રહી છે. બીજી તરફ લાંબા વિરામ બાદ આજે રાજ્યના અનેક વિસેતારોમાં વરસાદ નોંધાતા ખેડૂતોમાં ખુશીનો માહોલ છે.