Gujarati Video : રાજકોટમાં કોઠારિયા વિસ્તારના રહીશોએ કર્યો વિરોધ પ્રદર્શન, ત્રણ વર્ષથી પ્રાથમિક સુવિધાનો અભાવ હોવાનો આક્ષેપ
રાજકોટ શહેરના કોઠારિયા વિસ્તારમાં પણ રોડ-રસ્તાના અભાવે લોકોને હાલાકી પડતી હોવાનું સામે આવ્યું છે. કોઠારિયા વિસ્તારના સ્થાનિકોએ એકત્ર થઇને સાંઇબાબા સર્કલ પાસે તંત્ર સામે વિરોધ કર્યો.
Rajkot : ચોમાસુ (Monsoon 2023) નજીક છે અને રાજકોટના (Rajkot) કેટલાંક વિસ્તારોમાં હજુ પણ રોડ-રસ્તાનો અભાવ છે. રાજકોટ શહેરના કોઠારિયા વિસ્તારમાં પણ રોડ-રસ્તાના અભાવે લોકોને હાલાકી પડતી હોવાનું સામે આવ્યું છે. કોઠારિયા વિસ્તારના સ્થાનિકોએ એકત્ર થઇને સાંઇબાબા સર્કલ પાસે તંત્ર સામે વિરોધ કર્યો.
સ્થાનિકોનો આક્ષેપ છે કે, છેલ્લા 3 વર્ષથી કોર્પોરેટર ચૂંટાયા છતાં રોડ-રસ્તા નથી બનાવવામાં આવી રહ્યા અને દર ચોમાસે લોકોને હાલાકી ભોગવવી પડતી હોય છે. સાથે જ ચોમાસાનું પાણી રસ્તામાં ભરાઇ જતું હોવાથી લોકોને બહાર નીકળવામાં મુશ્કેલી પડે છે. રાજકોટ જેવા શહેરમાં અત્યાર સુધી રોડ-રસ્તા જેવી પ્રાથમિક સુવિધાનો અભાવ છે. તે એક મોટો સવાલ છે.
કોર્પોરેશને પ્રાથમિક સુવિધાની કામગીરી માત્ર કાગળ પર કરી હોય તેવું લાગે છે. સ્થાનિકોએ વિરોધ પ્રદર્શન કરીને રોડ-રસ્તાની કામગીરી ચોમાસા પહેલા કરી દેવાની માગ કરી છે. સ્થાનિકો દ્વારા વોર્ડ-18ના કોર્પોરેટર પર આક્ષેપ કરવામાં આવ્યા છે. ચૂંટણી સમયે વાયદા કર્યા. ચૂંટણી પૂરી અને કામ અધૂરા તેવા આક્ષેપ થઇ રહ્યા છે.
