રાજકોટના ધોરાજીમાં આવેલા સરદાર પટેલ માર્કેટિંગ યાર્ડમાં આજથી લાલ ડુંગળીની હરાજી શરૂ થઈ છે. પ્રથમ દિવસથી ડુંગળીની પુષ્કળ આવક નોંધાઈ રહી છે. માર્કેટ યાર્ડમાં પ્રથમ દિવસે 2 હજાર કટાની આવક નોંધાઈ છે. ગત વર્ષની સરખામણીએ સારા ભાવ મળતા હોવાને કારણે ખેડૂતોમાં ખુશીની લાગણી જોવાઈ રહી છે. ખેડૂતોને પ્રતિ મણ ડુંગળીના 300 થી 600 રૂપિયા ભાવ મળી રહ્યા છે.
આ તરફ ગોંડલ માર્કેટિંગ યાર્ડમાં મરચાંની હરાજી શરૂ થઈ છે. પ્રથમ દિવસે મુહૂર્ત ટ્રેડિંગમાં જ મરચાંના રેકોર્ડ બ્રેક 23 હજાર 113 રૂપિયા ભાવ બોલાયા હતા. યાર્ડમાં લાલ ચટાક મરચાંની સિઝનની સૌ પ્રથમવાર આવક શરૂ કરવામાં આવી હતી. સૌપ્રથમ મરચાંની હરાજી મુહૂર્તની પૂજા વિધિ કરવામાં આવી હતી. મરચાંની અંદાજે 3 હજાર 500થી 4 હજાર ભારીની આવક નોંધાઈ છે. જ્યારે મુહૂર્તમાં મરચાની 1 ભારીના રેકોર્ડબ્રેક 23 હજાર 113 રૂપિયા ભાવ બોલાયા હતા. સાથે જ 20 કિલો મરચાંના ભાવ 3થી 6 હજાર સુધી બોલાયા હતા.
ગોંડલનું મરચું સમગ્ર ભારત ઉપરાંત વિદેશમાં પણ પ્રખ્યાત છે. જેને લઈને અન્ય રાજ્યોમાંથી જેવા કે રાજસ્થાન, કર્ણાટક, મધ્યપ્રદેશ, યુ.પી સહિતના રાજ્યોમાંથી વેપારીઓ પણ અહીંયા મરચાંની ખરીદી કરવા માટે આવ્યા હતા. ખેડૂતો પોતાનો મરચાંનો પાક સુકવીને લઈને આવે જેથી કરી ખેડૂતોને પોતાના પાકનો વધુ સારો ભાવ મળે તેવી યાર્ડના ચેરમેન દ્વારા અપીલ કરવામાં આવી હતી.
Input Credit Hussain Kureshi- Dhoraji
ગુજરાતના તમામ જિલ્લાના સમાચાર વાંચવા માટે અહીં ક્લિક કરો
Published On - 2:03 pm, Tue, 19 November 24