Nowcast : ઉત્તર ગુજરાતમાં રેડ એલર્ટ, આગામી ત્રણ કલાક અતિભારે વરસાદની હવામાન વિભાગની આગાહી

હવામાન વિભાગે ઉત્તર ગુજરાત માટે આગામી ત્રણ કલાક દરમિયાન અતિભારે વરસાદનું રેડ એલર્ટ જાહેર કર્યું છે. હવામાન વિભાગ દ્વારા જાહેર કરાયેલા નાવકાસ્ટ મુજબ, બનાસકાંઠા, સાબરકાંઠા, મહેસાણા અને અરવલ્લી જિલ્લામાં મેઘરાજા ધબધબાટી બોલાવી શકે છે. આ વિસ્તારોમાં ભારે પવન અને ગાજવીજ સાથે અતિભારે વરસાદ પડવાની શક્યતા વ્યક્ત કરવામાં આવી છે.

વરસાદની આ સ્થિતિને જોતા સ્થાનિક તંત્રને પણ સતર્ક રહેવા સૂચના આપવામાં આવી છે. નાગરિકોને પણ સાવચેતી રાખવા અને બિનજરૂરી બહાર ન નીકળવા અપીલ કરવામાં આવી છે. ઉત્તર ગુજરાત ઉપરાંત, રાજ્યના અન્ય ભાગો માટે પણ હવામાન વિભાગે આગાહી કરી છે. મધ્ય ગુજરાત અને દક્ષિણ ગુજરાત માટે ઓરેન્જ એલર્ટ જાહેર કરવામાં આવ્યું છે, જે દર્શાવે છે કે આ વિસ્તારોમાં પણ ભારે વરસાદ પડી શકે છે.

ચોમાસાની આ સિઝનમાં રાજ્યના વિવિધ ભાગોમાં સારો વરસાદ નોંધાયો છે, ત્યારે આગામી કલાકોમાં ઉત્તર ગુજરાતમાં અતિભારે વરસાદની સંભાવનાને કારણે લોકો અને તંત્ર બંને સતર્ક બન્યા છે.

પાટણમાં મેઘરાજાની ધડબડાટી, ધોધમાર વરસાદથી વિઝિબિલિટી ઘટી, જુઓ જળબંબાકાર