Surat : સુરતમાં હવે બુટલેગરો મોંઘીદાટ કારમાં ( luxurious car ) નશાનો કારોબાર કરી રહ્યા છે. વેસુમાં 45 લાખની બે લક્ઝુરિયસ કારના એસીમાંથી દોઢ લાખનો વિદેશી દારૂ પોલીસે ઝડપી પાડ્યો છે. પોલીસે દારૂ સાથે ત્રણ શખ્સોની ધરપકડ પણ કરી છે. મળતી માહિતી અનુસાર, મધ્યપ્રદેશથી મિત્રની કારમાં તેઓ દારૂ લાવ્યા હતા. પોલીસે 30 લાખ અને 15 લાખની બે કાર, ફોન સહિત રૂ.46.88 લાખનો મુદ્દામાલ જપ્ત કર્યો છે.
આ પણ વાંચો Surat: બારડોલીના બાબેન ગામે બકરા ચોરતી ગેંગનો આતંક, ચોરીની ઘટના CCTV કેમેરામાં થઈ કેદ, જુઓ Video
વેસુ વિલા ફાર્મ હાઉસ તરફના રસ્તા પર બે યુવકો દારૂનું કાર્ટિંગ કરતા હોવાની પોલીસને માહિતી મળી હતી. પોલીસે બાતમીના આધારે દરોડા પાડતા સ્થળ પરથી વિદેશી દારૂ સહિત બે લક્ઝુરિયસ કાર મળી આવી હતી. વેસુ પોલીસે મર્સિડીઝના ચાલક મનિષ મનોહરસિંઘ અને થાર ગાડીના ચાલક રાજેશ મુરારી શર્મા તેમજ ચંકી સુરેશ પટેલની ધરપકડ કરી છે.