આજનું હવામાન : ગુજરાત પર એક સાથે 3 સિસ્ટમ સક્રિય, દક્ષિણ ગુજરાત સહિત અનેક વિસ્તારોને વરસાદ ધમરોળશે, જુઓ Video

હવામાન વિભાગની આગાહી અનુસાર આજે રાજ્યમાં વરસાદી માહોલ રહેશે. રાજ્યમાં આગામી 3 દિવસ સુધી ગાજવીજ સાથે ભારે વરસાદની આગાહી કરી છે. તેમાં પણ આગામી 24 કલાકમાં દક્ષિણ ગુજરાત અને સૌરાષ્ટ્રમાં અતિ ભારે વરસાદ વરસી શકે છે. એક સાથે 3 સિસ્ટમ થતા દક્ષિણ ગુજરાતને ફરી વરસાદ ધમરોળી શકે છે.

હવામાન વિભાગે ભરૂચ, નર્મદા, સુરત, તાપી, નવસારી, ડાંગ, વલસાડ, દમણ અને દાદરા નગર હવેલીમાં ઓરેન્જ એલર્ટ જાહેર કર્યું છે. તો સૌરાષ્ટ્રના ભાવનગર, અમરેલી, ગીર સોમનાથ અને દીવમાં પણ ભારે વરસાદની શક્યતા છે.આ દરમિયાન 50-60 કિમી પ્રતિ કલાકની ઝડપે પવન ફૂંકાશે. આ સાથે જ દરિયામાં ઊંચા મોજા ઉછળે તેવી આગાહી કરવામાં આવી છે. તંત્રએ સાવચેતીના ભાગરૂપે માછીમારોને દરિયો ન ખેડવાની સૂચના આપી છે.

દક્ષિણ ગુજરાતમાં ભારે વરસાદની શક્યતા

બીજી તરફ હવામાન નિષ્ણાંત અંબાલાલ પટેલની આગાહી અનુસાર રાજ્યમાં વરસાદી માહોલ રહેશે. ગુજરાતમાં 7 અને 9 જૂને વરસાદ વરસવાની શક્યતા છે. જ્યારે 10 જૂને ગુજરાતમાં ચોમાસુ પ્રવેશ કરશે તેવી આગાહી કરવામાં આવી છે. સૌરાષ્ટ્ર, મધ્ય ગુજરાતમાં વરસાદની આગાહી કરવામાં આવી છે. આ ઉપરાંત દક્ષિણ અને ઉત્તર ગુજરાતમાં વરસાદ પડવાની શક્યતા છે.

સામાન્ય રીતે રોજબરોજના તાપમાનને હવામાન કહેવાય છે. જ્યારે આબોહવામાં થતા ફેરફારને પણ આપણે હવામાન તરીકે ઓળખીએ છે. ભારતમાં શિયાળો, ઉનાળો અને ચોમાસુ આ રીતે ત્રણ પ્રકારની ઋતુઓ હોય છે. ઋતુઓને લગતા અન્ય સમાચાર વાંચવા અહીં ક્લિક કરો..