Gujarat Video: ગોંડલમાં ભારે વરસાદ દરમિયાન દીવાલ ધરાશાયી થઈ, કાટમાળ નિચે કાર દબાઈ ગઈ!

Rajkot: રાજકોટના ગોંડલ અને આસપાસના પંથકમાં પણ વરસાદી માહોલ જામ્યો છે. ભારે વરસાદ દરમિયાન ગોંડલમાં દીવાલ ધરાશાયી થવાની ઘટના સામે આવી હતી.

TV9 Gujarati | Edited By: Avnish Goswami | Updated on: Jul 10, 2023 | 8:37 AM

રાજકોટ જિલ્લામાં પણ વરસાદનો જોર રહ્યુ છે. વિસ્તારમાં ધોધમાર વરસાદી માહોલ જામ્યો છે. રાજકોટના ગોંડલ અને આસપાસના પંથકમાં પણ વરસાદી માહોલ જામ્યો છે. રવિવારે ધોધમાર વરસાદને પગલે ગોંડલના અંડર પાસમાં પાણી ભરાઈ જવા પામ્યા હતા. ભારે વરસાદ દરમિયાન ગોંડલમાં દીવાલ ધરાશાયી થવાની ઘટના સામે આવી હતી. રામ હોસ્પિટલ વિસ્તારમાં દિવાલ એક કાર પર ધરાશાયી થઈ હતી. જેને લઈ કારને નુક્શાન થયુ હતુ. સદનસીબે આ ઘટનામાં કોઈને ઈજા થઈ નથી.

ગોંડલમાં ભારે વરસાદા વરસ્યો હતો. ઉમવાડા અંડરબ્રિઝમાં પણ કેડ સમા પાણી ભરાઈ જવા પામ્યા હતા. અંડરપાસમાં પાણી ભરાઈ જવાને લઈ રવિવારે એસટી બસ અને ખાનગી બસ પાણીમાં ફસાઈ જવા પામી હતી. બંને બસ ફસાઈ જતા મુસાફરોના જીવ તાળવે ચોંટ્યા હતા. સ્થાનિક ફાયર બ્રિગેડની ટીમ ઘટના બાદ તુરત સ્થળ પર પહોંચી હતી અને મુસાફરોને સલામત રીતે બહાર નિકાળવામાં આવ્યા હતા.