Breaking News : વટવા GIDCની કંપનીમાં લાગી ભીષણ આગ, 3 ફાયર બ્રિગેડની ટીમ ઘટના સ્થળે, જુઓ Video

ગુજરાતમાં અવારનવાર આગ લાગવાની ઘટના સામે આવતી હોય છે. ત્યારે અમદાવાદમાં વટવા GIDC ફેઝ 4 આગ લાગવાની ઘટના બની હતી. GIDC ફેઝ 4માં આવેલી રામદેવ એસ્ટેટમાં કેમિકલ ફેકટરીમાં આગ લગવાની ઘટના બની હતી. કંપનીમાં આગ લાગતા જ આસપાસના વિસ્તારમાં ધુમાડાના ગોટે ગોટા જોવા મળ્યા હતા.

કંપનીમાં સ્પાર્કના કારણે લાગી આગ

આ સાથે જ સ્થાનિકોમાં ભયનો માહોલ પણ જોવા મળ્યો હતો. આગ લાગવાની ઘટનાની જાણ ફાયર વિભાગને કરતા જ 3 ગાડીઓ ઘટના સ્થળે પહોંચી હતી. ફાયર વિભાગે ભારે જહેમત બાદ આગ પર કાબૂ મેળવવામાં આવ્યો હતો. મળતી માહિતી અનુસાર વેલ્ડિંગ કામ દરમિયાન સ્પાર્કના કારણે આગ લાગી હતી. જો કે આ દુર્ઘટનામાં કોઈ પણ જાનહાનિ થઈ નથી. એક મહિના પહેલા બ્લાસ્ટ થાય બાદ આગ લાગી હતી.