Jamnagar Shravani Mela: શ્રાવણી મેળામાં સલામતી સર્વોપરી, ફાયર વિભાગે રાઈડ્સમાં ફાયર સેફ્ટીની ચકાસણી કરી

જામનગર ખાતે યોજાઈ રહેલા શ્રાવણી મેળામાં ફાયર સલામતીને લઈને તંત્ર એલર્ટ મોડમાં જોવા મળ્યું છે. શહેરના પ્રદર્શન ગ્રાઉન્ડ ખાતે ફાયર વિભાગ દ્વારા મેળામાં આવેલી કુલ 13 રાઈડ્સમાં ફાયર સેફ્ટી વ્યવસ્થાની ઝીણવટભરી તપાસ હાથ ધરવામાં આવી હતી. આ ચેકિંગનો મુખ્ય હેતુ એ સુનિશ્ચિત કરવાનો હતો કે રાઈડ્સ પર લગાવવામાં આવેલા ફાયર સેફ્ટીના સાધનો ઉપલબ્ધ છે કે નહીં અને જરૂરી સુરક્ષા વ્યવસ્થા જાળવવામાં આવી છે કે નહીં.

ફાયર વિભાગ દ્વારા રાઈડ્સ સંચાલકોને ફાયર સેફ્ટીના જરૂરી સાધનો રાખવા માટે સ્પષ્ટ સૂચનાઓ આપવામાં આવી હતી. આ ઉપરાંત, રાઈડ્સના સંચાલન માટે ફરજિયાત એવા ફાયર NOC (નો ઓબ્જેક્શન સર્ટિફિકેટ) મેળવવાની પ્રક્રિયા પણ શરૂ કરી દેવામાં આવી છે. મેળામાં મોટી સંખ્યામાં લોકો ઉમટતા હોવાથી કોઈપણ પ્રકારની અનિચ્છનીય ઘટના ન બને તેની તકેદારી રાખવી અત્યંત આવશ્યક છે. આથી, સેફ્ટી નોર્મ્સનું પાલન થાય છે કે નહીં તેના પર પણ ફાયર વિભાગ દ્વારા નજર રાખવામાં આવી રહી છે.

તપાસ દરમિયાન, તમામ 13 રાઈડ્સમાં ફાયરને લગતા ઇક્વિપમેન્ટ્સની સ્થિતિ ચકાસવામાં આવી હતી. સંચાલકોને જણાવી દેવામાં આવ્યું છે કે તેમણે તમામ જરૂરી ઇક્વિપમેન્ટ્સ તાત્કાલિક ધોરણે રાખવાના રહેશે અને મોટાભાગના રાઈડ્સ સંચાલકોએ આ સૂચનાનું પાલન કરીને ઇક્વિપમેન્ટ્સ ગોઠવી દીધા છે. ઓનલાઇન NOC માટેની પ્રક્રિયા પણ ચાલુ થઈ ગઈ છે. ફાયર વિભાગે મેળામાં આવતા લોકોની સેફ્ટી ફર્સ્ટ રહે તે માટે નિયમોનું કડકાઈથી પાલન કરવા જણાવ્યું છે, જેથી કોઈ બેદરકારી ન થાય અને ઇમરજન્સીની સ્થિતિમાં તાત્કાલિક કાર્યવાહી થઈ શકે.

યુદ્ધ વચ્ચે PM મોદી અને ઈરાની રાષ્ટ્રપતિની મુલાકાત, આ વાત પર થઈ ચર્ચા