દાહોદ જિલ્લામાં ભારે વરસાદને લઈ નદી નાળા છલકાઈ જવા પામ્યા છે. ધોધમાર વરસાદને લઈ ચારે બાજુ નદી અને નાળા પાણીથી ભરપૂર જોવા મળી રહ્યા છે. આ દરમિયાન ઝાલોદ વિસ્તારમાં આવલ માછણનાળા ડેમ ઓવર ફ્લો થયો છે. માછણનાળા ડેમની સપાટી સંપૂર્ણ ભરાઈ જતા વિસ્તારના ખેડૂતોને મોટી રાહત સર્જાઈ છે. સ્થાનિક લોકોને પણ મોટો હાશકારો સર્જાયો છે. મહત્તમ સપાટી 278.20 મીટર છે.
માછણનાળા ડેમ ઓવર ફ્લો ઓવર ફ્લો થવાને લઈ 11 જેટલા ગામને એલર્ટ કરવામાં આવ્યા છે. નિચાણવાળા વિસ્તારોને પણ સલામત સ્થળે ખસી જવા અને સાવચેતી રાખવા માટે સૂચનાઓ આપવામાં આવી છે. વધારે વરસાદની સ્થિતિમાં પાણી વધારે પ્રમાણમાં વહી શકે, જે સંભાવનાઓને ધ્યાનમાં રાખીને તંત્રએ નિચાણ વાળા વિસ્તારના લોકોને સાવચેત કરી દીધા છે.
Published On - 6:40 pm, Mon, 18 September 23