Gujarati Video: આગાહી વચ્ચે ગુજરાતમાં મેઘમહેર, દક્ષિણ ગુજરાત-સૌરાષ્ટ્રમાં મેઘાની જમાવટ
હવામાન વિભાગની આગાહી અનુસાર ગુજરાતમાં મેઘમહેર જામી છે. દક્ષિણ ગુજરાત, સૌરાષ્ટ્રમાં મેઘાની જમાવટ થઈ છે. ધરમપુરમાં એક ઇંચ વરસાદ, નવસારીમાં જળબંબાકારની સ્થિતિ સર્જાઈ છે. તો ક્યાક પ્રિમોન્સૂન પ્લાન પાણીમાં ધોવાયો છે.
Gujarat Rain : વરસાદની આગાહી વચ્ચે આજે સતત બીજા દિવસે ગુજરાતના કેટલાક વિસ્તારોમાં વરસાદી માહોલ છવાયો છે. દક્ષિણ ગુજરાતના વલસાડ જિલ્લાના ધરમપુરમાં એક ઇંચ વરસાદથી રોડ પર પાણી ભરાયા છે. સ્ટેટ હોસ્પિટલની બહાર પાણી ભરાતા લોકોને ભારે હાલાકી પડી હતી. નવસારી શહેરમાં સામાન્ય વરસાદથી શાકભાજી માર્કેટ અને રેલવે ગરનાળામાં જળબંબાકારની સ્થિતિ સર્જાઈ. તંત્રએ પાણીના નિકાલની કોઈ વ્યવસ્થા ન કરતા લોકો પરેશાન થયા.
તો ડાંગ જિલ્લામાં પણ ચોથા દિવસે તમામ તાલુકાઓમાં સાર્વત્રિક વરસાદ નોંધાયો. ભાવનગરના મહુવા તાલુકાના ભાદરોડ, રોહિસા ચોકડી, રોહિસા બોડા તેમજ ઓથા સહિતના વિસ્તારોમાં વરસાદ વરસ્યો છે. આ તરફ રાજકોટ શહેરમાં સામાન્ય વરસાદમાં માધાપર ચોકડી અને 150 ફૂટ રિંગરોડ વિસ્તારમાં પાણી ભરાયા હતા. બીજી તરફ રાજકોટના જેતપુરના વીરપુર,જેતલસર,સાંકળી,સરધારપુર ,પેઢલા,ચાંપરાજપુર સહિતના ગામોમાં વરસાદ પડયો જેને લઈ રોડ પર પાણી ભરાતા વાહનચાલકો પરેશાન થયા હતા.
આ પણ વાંચો : ગરનાળામાં પાણી ભરાતા લોકો પરેશાન, પાલિકાનો પ્રિ મોન્સૂન પ્લાન ફેલ, જુઓ Video
દક્ષિણ ગુજરાતની સાથે સૌરાષ્ટ્રના કેટલાક વિસ્તારોમાં પણ મેઘરાજાએ તોફાની બેટિંગ કરી હતી. અમરેલીના લાઠી શહેર તેમજ ગ્રામ્ય પંથકમાં સારો વરસાદ પડયો. ધારીના ગીર પંથકના ડાંગાવદર, ખીચા, ખોખરા સહિતના ગામમાં વરસાદ વરસ્યો. તો બોટાદના ગઢડા તાલુકાના ઉગામેડી ગામે ધોધમાર વરસાદ પડતાં નદી વહેતી થઈ.
સુરત જિલ્લામાં પણ વરસાદી માહોલ જામ્યો. કામરેજ તાલુકામાં ધીમીધારે વરસાદ પડયો. માંગરોળના મહુવા,પલસાણા સહિતના તાલુકામાં વરસાદ વરસ્યો. અમદાવાદના વિરમગામમાં મેઘરાજાનું આગમન થયું. ડુમાણા, હાંસલપુર સોકલી , જુનાપાઘર, રહેમલપુર જખવાડા સહિત નળકાંઠાના ગ્રામ્ય વિસ્તારોમાં વરસાદ પડયો. વાવણીલાયક વરસાદથી ખેડૂતો ખુશ થયા હતા.
ગુજરાતના તમામ સમાચાર વાંચવા માટે અહીં ક્લિક કરો
