Rajkot: રાજકોટની સૌથી મોટી બજારના વેપારીઓ પરેશાન છે. લાખાજી રોડ, ધર્મેન્દ્ર રોડ, ઘીકાંટા રોડ અને દિવાનપરા રોડના વેપારીઓએ આક્રોશ સાથે પોલીસ કમિશનરને આવેદન પત્ર આપ્યું છે. આ આક્રોશ ફેરિયા, રેકડીવાળા અને પાથરણાવાળાઓને કારણે છે. વેપારીઓનો આરોપ છે કે, આવા માથાભારે તત્વોને કારણે બજારમાં ટ્રાફિક થાય છે, ગ્રાહકોને પણ મુશ્કેલી પડે છે અને આ ફેરિયા, પાથરણાવાળા વેપારીઓને પણ સહયોગ આપતા નથી. જેનાથી ગ્રાહકો અને વેપારીઓને નુકસાન સહન કરવું પડે છે.
વેપારીઓએ આ તમામ માર્કેટ માટે ‘નો ફેરિયા ઝોન’ જાહેર કરાય તેવી માગ કરી રહ્યાછે. વેપારીઓએ ફેરિયાઓ માટે પણ શાસ્ત્રી મેદાનમાં જગ્યા ફાળવવા માગ કરી છે. વેપાારીઓ તેમના વિસ્તારમાં 3થી 4 પોલીસ કર્મચારી વ્યવસ્થા સાચવવા મુકાય તેવી પણ માગ કરી રહ્યા છે. મહત્વનું છે કે, અહીં રેડીમેડ કપડાં, કાપડ, ચપ્પલ, કોસ્મેટિક વગેરેની દુકાનો મોટાપ્રમાણ છે. જેથી ન માત્ર શહેર પરંતુ આસપાસના ગામડાંઓના લોકો પણ ખરીદી કરવા આવે છે.
રાજકોટ સહિત ગુજરાતના તમામ જિલ્લાના સમાચાર વાંચવા માટે અહીં ક્લિક કરો
Published On - 9:59 pm, Mon, 28 August 23
