મુખ્યપ્રધાન ભૂપેન્દ્ર પટેલ ફરી એકશનમાં આવ્યા. તેમણે દહેગામના કરોલી ગામમાં નિર્માણાધીન ત્રણ તળાવની ઓચિંતી મુલાકાત લીધી. કરોલી ગામમાં અમૃત સરોવર હેઠળ ત્રણ તળાવનું નિર્માણ કરવામાં આવી રહ્યું છે. CM ભૂપેન્દ્ર પટેલની સાથે ACS પંકજ જોષી અને મામલતદાર પણ હાજર રહ્યા હતા. મુખ્યપ્રધાને વરિષ્ઠ અધિકારીઓ સાથે તળાવોની કામગીરીની સમીક્ષા કરી. સીએમની ઓંચીતી મુલાકાતથી અધિકારીઓમાં ચર્ચા જાગી હતી.
તો ફરી એકવાર મુખ્યમંત્રી લોકો વચ્ચે જઈ લોકોના હાલચાલ પૂછ્યા. CM ભૂપેન્દ્ર પટેલની સાદગી ફરી જનતાને જોવા મળી. મુખ્યમંત્રીએ હળવા અંદાજમાં કરોલી ગામની કિટલી પર બેસીને સ્થાનિકો સાથે ચાનો સ્વાદ માણ્યો. CM ભૂપેન્દ્ર પટેલે સ્થાનિકો સાથે ચર્ચા પણ કરી અને સ્થાનિક પ્રશ્નોનું તાત્કાલિક નિરાકરણ કરવાની સુચના આપી.
ગાંધીનગર સહિત ગુજરાતના તમામ સમાચાર વાંચવા માટે અહીં ક્લિક કરો
