Gujarati video : મધ્યપ્રદેશના ઓમકારેશ્વરમાં હોડી પલટી જતાં ભાવનગરના 6 લોકો ડૂબ્યા, એક બાળકનું મોત, એક ગુમ

મધ્યપ્રદેશના (Madhya pradesh) ઓમકારેશ્વરમાં હોડી પલટી જતાં ગુજરાતી પરિવારના એક બાળકનું મોત થયું છે. જ્યારે એક વ્યક્તિની શોધખોળ ચાલી રહી છે. દુર્ઘટનામાં ભાવનગરના 6 લોકો ડૂબ્યા હતા. જેમાંથી ચાર લોકોને નાવિકોએ બચાવી લીધા છે. તો બીજીતરફ ઘટનામાં તંત્ર અને હોડી ચલાવનારની ઘોર બેદરકારી સામે આવી છે. હોડીમાં લાઈફ જેકેટ હોવા છતાં લોકોને પહેરાવવામાં નહોતા આવ્યા. જો લાઈફ જેકેટ પહેરાવેલા હોત તો તમામ લોકોને બચાવી શકાયા હોત. ઓમકારેશ્વરમાં 141 લાયસન્સ ધારક નાવિક છે. આ સિવાય 75થી 80 હોડીઓ ગેરકાયદે ચાલે છે. જેના પર તંત્રનો કોઈ જ અંકુશ નથી.

આ પણ વાંચો-Gujarati Video : સુરતમાં યુવતી સાથે નોકરી અપાવવાના બહાને દુષ્કર્મ, ફરિયાદ નોંધી તપાસ શરૂ

મળતી માહિતી પ્રમાણે ભાવનગરનો વ્યાસ પરિવાર સોમવારે ભાવનગરથી ઉજ્જૈન પહોંચ્યો હતો અને ત્યાંથી ઓમકારેશ્વર દર્શન કરવા આવ્યો હતો. સાંજે 4 કલાકે ઓમકારેશ્વરમાં વાદળોની ગર્જના સાથે ઝડપી પવન ફૂંકાવા લાગ્યો. સાથે જ મુશળધાર વરસાદ વરસવા લાગ્યો. જેના કારણે એક હોડી નર્મદા નદીના કિનારા નજીક જ પલટી ગઈ હતી.

ભાવનગરના આટલા લોકો સવાર હતા

હોડીમાં ભાવનગરના 32 વર્ષીય નિકુંજ વ્યાસ, 58 વર્ષીય રશ્મિન વ્યાસ, 31 વર્ષીય વાણી વ્યાસ, દક્ષ વ્યાસ, ડિંકલ બેલડિયા અને કાર્તિક બેલડિયા બેઠેલા હતા. જેમાં દોઢ વર્ષના દક્ષ વ્યાસનું મોત થયું છે. જ્યારે કાર્તિક બેલડિયા હજુ પણ લાપતા છે. હોડી પલટતી જોઈને આસપાસના નાવિકોએ દોડીને 4 લોકોને ડૂબતા બચાવી લીધા હતા.

ગુજરાતના અને ભાવનગર  જિલ્લાના તમામ સમાચાર વાંચવા માટે અહીં ક્લિક કરો