Weather Forecast : હવામાન વિભાગની આગાહી અનુસાર આજે શનિવારે રાજ્યના કેટલાક વિસ્તારોમાં વરસાદી માહોલ રહે તેવી સંભાવના છે. તેમજ આજે અમદાવાદ અને ગાંધીનગરમાં હળવો વરસાદ પડે તેવી સંભાવના છે. તો આજે દક્ષિણ ગુજરાતના જિલ્લાઓમાં પણ સામાન્ય વરસાદની સંભાવના કરવામાં આવી છે. તો બીજી તરફ રાજ્યમાં વાદળછાયુ વાતાવરણ રહે તેવી સંભાવના છે.
હવામાન વિભાગની આગાહી અનુસાર આજે શનિવારે અમદાવાદ, ભાવનગર, ડાંગ, જામનગર, મહીસાગર,પોરબંદર અને સુરત સહિતના વિસ્તારોમાં 33 ડિગ્રી તાપમાન રહે તેવી સંભાવના છે. તો આ તરફ બોટાદ, જુનાગઢ, કચ્છ, મોરબી સહિતના જિલ્લાઓમાં 35 ડિગ્રી તાપમાન રહે તેવી સંભાવના છે. તેમજ અરવલ્લી, બનાસકાંઠા, દાહોદ, દેવભૂમિ દ્વારકા, ગાંધીનગર, ખેડા, મહેસાણા,નવસારી, પંચમહાલ,વલસાડ સહિતના જિલ્લાઓમાં 34 ડિગ્રી તાપમાન રહે તેવી સંભાવના છે.