Gujarat Video: વડોદરામાં ગણેશ ઉત્સવ પર 9 ફુટથી ઊંચી પ્રતિમા પર પ્રતિબંધ મુકાતા વિરોધ

Vadodara: વડોદરામાં અધિક પોલીસ કમિશનરે જાહેરનામું બહાર પાડીને ગણેશ ઉત્સવમાં 9 ફૂટથી ઊંચી પ્રતિમા પર પ્રતિબંધ મુક્યો છે. 9 ફૂટથી ઊંચી ગણેશ પ્રતિમા બનાવવા, વેચવા કે સ્થાપન પર પ્રતિબંધ મુકતા આ જાહેરનામોનો વિરોધ થઈ રહ્યો છે. રાવપુરાના ધારાસભ્ય બાલકૃષ્ણ શુક્લાએ ગૃહરાજ્ય પ્રધાન હર્ષ સંઘવીને પત્ર લખીને આ જાહેરનામું મોકૂફ રાખવા રજૂઆત કરી છે. જાહેરનામું મોડુ પ્રસિદ્ધ કરાયું હોવાથી મૂર્તિકારોએ મૂર્તિઓ બનાવી લીધી છે. હાલના તબક્કે આ જાહેરનામું મોકૂફ રાખવા ધારાસભ્યએ રજૂઆત કરી છે.

શું છે ગણેશ ઉત્સવના નિયમો ?

• ગણેશ ઉત્સવમાં 9 ફૂટથી ઊંચી પ્રતિમા પર પ્રતિબંધ
• 9 ફૂટથી ઊંચી પ્રતિમા બનાવી, વેચી, કે સ્થાપી નહીં શકાય
• ધાર્મિક લાગણી દુભાતી મૂર્તિઓ બનાવવા પર પ્રતિબંધ
• લાગણી દુભાતી મૂર્તિનું વેચાણ કે સ્થાપન નહીં થઇ શકે
• POP કે ફાયબરની 5 ફૂટથી ઊંચી પ્રતિમા પર પ્રતિબંધ
• 5 ફૂટથી ઊંચી POP કે ફાયબરની મૂર્તિ બનાવી કે વેચી નહીં શકાય
• માટી-POPની મૂર્તિનું કૃત્રિમ તળાવમાં જ વિસર્જન કરવું પડશે
• મૂર્તિઓના વિસર્જન માટે કૃત્રિમ તળાવ બનાવવાનું રહેશે
• મંજૂરી સિવાયના ઓવારા પર મૂર્તિ વિસર્જન નહીં થઇ શકે
• ખંડીત મૂર્તિઓને બિનવારસી હાલતમાં નહીં મુકી શકાય

આ પણ વાંચો: Vadodara: વડોદરામાં તસ્કરોનો તરખાટ, ગાય સર્કલ પાસે 8 દુકાનોના તાળા તૂટ્યા, CCTV આધારે તપાસ, જુઓ Video

હાલતો મૂર્તિકારોએ મૂર્તિ બનાવી લીધી હોવાથી કમિશનરના જાહેરનામાને લઈને વિરોધ શરૂ થયો છે. ત્યારે જોવુ રહેશે કે આ મામલે અધિક કમિશનર કંઈ છૂટછાટ આપવાના મૂડમાં છે કે કેમ

વડોદરા સહિત  ગુજરાતના તમામ જિલ્લાના સમાચાર વાંચવા માટે અહીં ક્લિક કરો