અમદાવાદની વટવા ઝોનલ કચેરીએ માનવીય સંવેદના બતાવતા નારીગૃહમાં હોમગાર્ડ તરીકે ફરજ બજાવતી ચંદા કુશવાહની મદદે આવી છે. ચંદા કુશવાહના પતિનું 10 વર્ષ પહેલા અવસાન થયુ હતુ. તેમને સંતાનમાં બે દીકરી છે. જેમા એક દીકરી 17 વર્ષની છે. જે મસલ્સની બીમારીને કારણે હલન ચલન પણ કરી શક્તી નથી. ચંદા કુશવાહ જ બંને દીકરીઓ સાથે પરિવારનું ભરણપોષણ કરી રહી છે.
આ પરિવારને પ્રધાનમંત્રી ગરીબ કલ્યાણ યોજના હેઠળ અન્ન સુરક્ષા યોજના હેઠળ આવરી લેવા NFSAમાં સમાવેશ કરાયો છે. જો કે NFSA કાર્ડ કઢાવવા માટે દરેક વ્યક્તિની ફિંગરપ્રિન્ટટ આધારકાર્ડ સાથએ ઝોનમાં અપડેટ કરવી મુશ્કેલ હતી. આથી વટવા ઝોનલ કચેરીના ઓફિસર રોનક મોદીએ ડ્યુટી દરમિયાન ચંદા કુશવાહની સ્થિતિ વિશે જાણ થઈ હતી. આથી તેમણે અંગત રસ લઈ વ્હીલચેરની મદદથી તેમને મહેસૂલ ભવનમાં લાવવાની વ્યવસ્થા કરી. તેમની દીકરીના ફિંગર પ્રિન્ટ્સની છાપ લઈને અપડેટ કરી તેઓ યોજનાથી વંચિત ન રહે તેની કાળજી રાખી NFSA હેઠલ અનાજ પ્રાપ્ત થાય તે માટે પહેલ કરી. તમામ કામગીરી પૂર્ણ કરી હતી.
સમગ્ર સ્ટાફ સાથે આસિટન્ટ ઝોનલ ઓફિસર સિલ્વરી પટેલ કચેરીની અંદર આ દીકરીને ઝોનલ કચેરીમાં લાવવા સહયોગ આપીને ફરજનિષ્ઠા દાખવી કતઁવ્ય પુરુ કયું અને એક લાભાર્થી પરિવારને અનાજ મળતુ થાય તેવી વ્યવસ્થા કરી.
અમદાવાદ સહિત ગુજરાતના તમામ જિલ્લાના સમાચાર વાંચવા માટે અહીં ક્લિક કરો
Published On - 5:52 pm, Tue, 16 May 23