રાજ્યની કોર્ટને લઈ ચીફ જસ્ટિસ ઓફ ગુજરાત દ્વારા નિર્દેશો જાહેર કરાયા છે. હાઈકોર્ટના રજિસ્ટ્રાર જનરલ દ્વારા વિવિધ બાબતોના 5 સરર્ક્યુલર બહાર પાડવામાં આવ્યા છે. જેમાં કોર્ટના કામના કલાકોનું કડક પાલનથી લઈને કામકાજના કલાકો દરમિયાન મોબાઈલ ફોનનો ઉપયોગ ન કરવા નિર્દેશ અપાયો છે.
ચીફ જસ્ટિસ ઓફ ગુજરાતના નિર્દેશ અનુસાર જો કોઈ કામના કલાકોનું પાલન ન કરે તો તેની સામે શિસ્તભંગના પગલાઓ લેવાની પણ સૂચના આપવામાં આવી છે. તો જિલ્લા જજો અને ન્યાયિક અધિકારીઓ કામના કલાકો દરમિયાન હાઈકોર્ટની મુલાકાત ન લે તેવી પણ સૂચના અપાઈ છે.
આ ઉપરાંત મહાનુભાવોને ભેટ અર્પણ ન કરવા કે ભેટ ન સ્વીકારવા સૂચના અપાઈ છે. નિર્દેશોનું પાલન ન કરનાર સામે શિસ્તબદ્ધ કાર્યવાહી કરવામાં આવશે. આ ઉપરાંત કોર્ટના કામકાજના કલાકો દરમિયાન જજો કે ન્યાયિક અધિકારીઓ અને સ્ટાફે પોતાના અંગત કામ માટે મોબાઈલ ફોનનો ઉપયોગ ન કરવા સૂચના અપાઈ છે.
આ ઉપરાંત મહાનુભાવોના પ્રવાસ દરમિયાન જિલ્લાના ન્યાયિક અધિકારીઓએ કામકાજની જગ્યા ન છોડવી, મહાનુભાવો સાથે મુલાકાતની ઈચ્છા ધરાવતા હોય તો કામકાજના સમય પહેલા અથવા બાદમાં મળી શકે છે.