Gujarat Election 2022 : ગુજરાત વિધાનસભા ચૂંટણીમાં રાજકીય પક્ષો ટિકિટને લઈને હજુ વિવાદ શમ્યો નથી. જેમાં વડોદરામાં ભાજપને વધુ એક ઝટકો લાગ્યો છે. જેમાં પાદરામાં ભાજપના સંગઠનના હોદેદારોએ પ્રાથમિક સભ્યપદેથી રાજીનામા આપ્યા છે. જેમાં પાદરા વિધાનસભાના અપક્ષના ઉમેદવાર દિનેશ પટેલના સમર્થનમાં રાજીનામા આપ્યા છે. પાદરામાં સાંજે પરુષોત્તમ રૂપાલાની જાહેરસભા પૂર્વે ભાજપમાં ભડકો થયો છે. વડોદરા જિલ્લા ભાજપના મહિલા મોરચાના પ્રમુખ મનીષાબેન ભાવસાર અને જિલ્લા ભાજપના કિસાન મોરચાના પ્રમુખ જીતેન્દ્ર સિંહ વાઘેલાએ પણ રાજીનામાં આપ્યા છે. જેમાં પાદરા તાલુકા ભાજપના મહિલા મોરચાના પ્રમુખ ભાવનાબેન પુરાણી તથા મહામંત્રી તુપ્તિબેન પટેલ સહિતના હોદેદારોએ ભાજપના પ્રાથમિક સભ્ય પદેથી રાજીનામુ આપ્યા છે.
આ ઉપરાંત પાદરા તાલુકા ભાજપ સંગઠનના મહામંત્રી મેહુલ અમીન, મંત્રી સંદીપ પટેલ, મંત્રી કિરણ મહંત, મંત્રી રાકેશ પટેલ અને કોશધ્યક્ષ મનોજ પટેલ અને તાલુકા ભાજપના હોદેદારોએ પણ રાજીનામા આપ્યા છે. જેમાં પાદરા શહેર બક્ષીપંચ મોરચા પ્રમુખ, મહામંત્રી અને ઉપપ્રમુખ સહિત હોદેદારો તથા પાદરા નગર યુવા મોરચાના ઉપપ્રમુખ, મંત્રી અને કોશઅધ્યક્ષ એ પણ રાજીનામા આપ્યા છે. તેમજ પાદરા તાલુકા ભાજપ અનુસૂચિત મોરચા ના પ્રમુખ ઉપપ્રમુખ સહિતના મોટાભાગના હોદેદારોએ રાજીનામાં આપ્યા છે. આ ઉપરાંત પાદરા બજાર સમિતિના પ્રમુખ સહિતના 12 ડિરેક્ટરોએ પણ ભાજપને રામ રામ કર્યા છે.
જ્યારે પાદરા નગરપાલિકાના ભાજપના ચૂંટાયેલા 10 સભ્યોએ દિનેશ પટેલને સમર્થન આપ્યું છે. તેમજ નગરપાલિકાના 4 આર.એસ.પી અને 1 અપક્ષ સભ્યએ પણ દિનેશ પટેલને સમર્થન આપ્યું છે. નગરપાલિકાના કુલ 15 સભ્યોએ દીનુ મામાને સમર્થન આપ્યું છે. આ તમામ લોકોએ ભાજપના પ્રાથમિક સભ્યપદેથી પણ રાજીનામું આપ્યું છે.