ગુજરાતમાં(Gujarat)કોરોનાના(Corona)કેસનો રાફડો ફાટતા જિલ્લા પ્રભારી મંત્રીઓને સીએમ ભૂપેન્દ્ર પટેલ (Cm Bhupendra Patel)દ્વારા પ્રવાસ કરવાની સૂચના આપવામાં આવી છે. આ પ્રભારી પ્રધાનોએ જિલ્લામાં પ્રવાસ કરીને કોરોના લક્ષી તૈયારીઓની સમીક્ષા કરવાની રહેશે. જેમાં જિલ્લામાં સરકારી અને ખાનગી હોસ્પિટલોમાં બેડની(Hospital Bed)સ્થિતિ, ઓક્સિજન(Oxygen)અને આઈસીયુ બેડની વિગતો મેળવવાની રહેશે.
આ ઉપરાંત જિલ્લામાં કાર્યરત ઓક્સિજન પ્લાન્ટ, દવાઓનો પુરવઠો અને આરોગ્ય સ્ટાફની પણ સમીક્ષા કરવાની રહેશે. કોરોનાની સ્થિતિ પર નિયંત્રણ મેળવવા રસીકરણ, ટેસ્ટિંગની પણ સમીક્ષા કરવા સૂચના આપવામાં આવી છે. આ ઉપરાંત જિલ્લાના સ્થાનિક વહીવટી તંત્ર સાથે બેઠક કરીને રિપોર્ટ આપવા પણ સૂચના અપાઈ છે.
ઉલ્લેખનીય છે કે , કોરોના મહામારીને પગલે હાલ દેશ અને રાજયમાં સ્થિતિ વણસી રહી છે. ત્યારે વાઇબ્રન્ટ સમિટ (Vibrant Gujarat Global Summit)મોકૂફ રાખવાનો નિર્ણય લેવાયો છે. 10 થી 12 જાન્યુઆરી 2022 દરમિયાન યોજાનારી 10મી વાઇબ્રન્ટ ગુજરાત ગ્લોબલ સમિટ (Vibrant Gujarat Global Summit )હાલ પૂરતી મોકૂફ રાખવાનો નિર્ણય કર્યો છે. બાદમાં સમિટને લઇને નવી તારીખો જાહેર કરવામાં આવશે.
નોંધનીય છેકે રાજય અને દેશમાં કોરોનાની સાથેસાથે ઓમિક્રોનના કેસોમાં પણ સતત વધારો નોંધાઇ રહ્યો છે. તેમાં પણ છેલ્લા પાંચ દિવસથી કોરોના (Corona) સંક્રમણમાં વિસ્ફોટ નોંધાયો છે. વિશ્વભરમાં આ મહામારીના કેસો ફરી પાછા વધવા લાગ્યા છે અને આ મહામારીનું સંક્રમણ વધે નહીં તેવા હેતુસર મુખ્યમંત્રી ભૂપેન્દ્ર પટેલે (CM Bhupendra Patel) સ્થિતિની સર્વગ્રાહી સમીક્ષા કરી હતી.
આ પણ વાંચો : અમદાવાદ શહેરમાં કોરોનાના કેસો વધ્યા, નવા 1835 કેસ નોંધાયા
આ પણ વાંચો : GUJARATમાં કોરોનાનો મોટો વિસ્ફોટ, નવા 4213 કેસ સાથે એક્ટીવ કેસ વધીને 14 હજારને પાર