Ahmedabad : AMC સંચાલિત હોસ્પિટલ્સમાં હવે જેનેરિક દવાઓના સ્ટોર ખુલશે, સ્ટેન્ડિંગ કમીટિની બેઠકમાં લેવાયો નિર્ણય, જુઓ Video

Ahmedabad : અમદાવાદ મહાનગરપાલિકા સંચાલિત તમામ હોસ્પિટલોમાં હવે જેનરિક દવાઓ (Generic Medicines) મળશે. સ્ટેન્ડિંગ કમીટિની બેઠકમાં નિર્ણય લેવાયો કે AMC સંચાલિત તમામ હોસ્પિટલોમાં હવે જેનરિક દવાના સ્ટોર ખુલશે. આ ઉપરાંત AMC સંચાલિત હોસ્પિટલોમાં હવે જેનરિક દવાઓનો જ ઉપયોગ થશે. જેનાથી દર્દી અને તેમના સગા સગા પર ખર્ચનો બોજ ઘટશે. જેનરિક દવાઓ સસ્તી હોવાથી દર્દીઓના પરિવારજનોને રાહત મળશે.

આ પણ વાંચો-Ahmedabad : આજે કેન્દ્રિય ગૃહપ્રધાન અમિત શાહ અમદાવાદીઓને આપશે કરોડોના વિકાસ કામોની ભેટ, વિકાસ કામોને લઈ અધિકારીઓ સાથે કરશે બેઠક

જેનેરીક દવાઓ સ્ટાન્ડર્ડ કંપનીઓની દવાઓના કન્ટેન્ટ જેટલુ જ કન્ટેન્ટ ધરાવતી હોય છે. તેમજ બજાર દર કરતા ખૂબ જ સસ્તા દરે આ દવાઓ પ્રાપ્ત થતી હોય છે.જેથી કોર્પોરેશન સંચાલિત હોસ્પિટલ જેવી કે શારદાબેન હોસ્પિટલ, તદુપરાંત એલજી હોસ્પિટલ, SVP હોસ્પિટલ, નગરી હોસ્પિટલ જેવી હોસ્પિટલમાં જેનેરીક દવાઓ મળી રહેશે. જો જેનેરીક દવાના સ્ટોર ન હોય તો શરુ કરવામાં આવશે. જેથી દર્દીઓ માટે બહારથી દવાઓ ખરીદવી પડે નહીં.

અમદાવાદ સહિત ગુજરાતના તમામ જિલ્લાના સમાચાર વાંચવા માટે અહીં ક્લિક કરો