Gandhinagar: ભારે ઉકળાટ બાદ પાટનગરમાં ધોધમાર વરસાદ તૂટી પડ્યો, દહેગામમાં એક કલાકમાં સવા ઈંચ વરસાદ
રાજ્યમાં આગામી પાંચ દિવસ જોરદાર વરસાદી માહોલ જામશે તેવી હવામાન વિભાગે (Meteorological Department) આગાહી કરી છે. ગાજવીજ સાથે સમગ્ર ગુજરાતમાં અતિભારે વરસાદ (Rain) પડી શકે છે.
હવામાન વિભાગની (Meteorological Department) આગાહી મુજબ ગુજરાતના (Gujarat) અનેક જિલ્લામાં મેઘરાજાએ જતા જતા જમાવટ બોલાવી છે. હવામાન વિભાગે ફરી ગુજરાતમાં ભારે વરસાદ થવાની આગાહી કરી છે. હવામાન વિભાગે પાંચ દિવસ ગુજરાતમાં વરસાદી માહોલ રહેવાની આગાહી કરી છે. હવામાન વિભાગે કરેલી આગાહી મુજબ બંગાળની ખાડીમાં લોપ્રેશર સિસ્ટમ સક્રિય થયુ છે. જેના પગલે દક્ષિણ ગુજરાત અને મધ્ય ગુજરાતમાં વરસાદ થવાની આગાહી કરવામાં આવી છે. જે મુજબ ગુજરાતના અનેક વિસ્તારોમાં વરસાદ વરસી રહ્યો છે. .
ભારે ઉકળાટ બાદ પાટનગરમાં ધોધમાર વરસાદ તૂટી પડ્યો છે. સમગ્ર ગાંધીનગર (Gandhinagar) જિલ્લામાં એક ઇંચ કરતા વધુ વરસાદ ખાબક્યો છે.
પાટનગર પાણી પાણી
ગાંધીનગરમાં ભાદરવા માસમાં અષાઢી માહોલ સર્જાયો છે. ગાંધીનગરમાં મેઘરાજાએ તોફાની બેટિંગ કરી છે. ભારે ઉકળાટ બાદ પાટનગર ગાંધીનગરમાં ધોધમાર વરસાદ તૂટી પડ્યો છે. ગાંધીનગરમાં વરસાદ થતા નીચાણવાળા વિસ્તારોમાં વરસાદી પાણી ભરાઇ ગયા છે. બીજી તરફ ગાંધીનગર જિલ્લાના દહેગામમાં પણ ધોધમાર વરસાદ ખાબક્યો છે.
દહેગામમાં એક કલાકમાં સવા ઈંચ વરસાદ પડ્યો છે.
ભારે વરસાદની આગાહી
રાજ્યમાં આગામી પાંચ દિવસ જોરદાર વરસાદી માહોલ જામશે તેવી હવામાન વિભાગે આગાહી કરી છે. ગાજવીજ સાથે સમગ્ર ગુજરાતમાં અતિભારે વરસાદ પડી શકે છે. દક્ષિણ ગુજરાતમાં 13 તારીખે ભારે વરસાદની આગાહી કરવામાં આવી છે. વલસાડ, નવસારી , દમણ, ડાંગ, નર્મદા અને ભરૂચમાં ભારે વરસાદ પડશે. જયારે ગાંધીનગર અને અમદાવાદમાં સામાન્ય વરસાદ પડવાની શકયતા છે. જો કે વરસાદનું જોર વધશે તો ભારે પવન ફૂંકાવાની શકયતા છે. બંગાળમાં લો પ્રેશરના કારણે ભારે વરસાદ પડવાની હવામાન વિભાગે આગાહી કરી છે.
