Sabarkantha: હિંમતનગર નજીક કન્ટેનર અકસ્માતની મદદે પોલીસ પહોંચી તો ચોંકી ઉઠી, 6000 બોટલ દારુનો જથ્થો મળ્યો, જુઓ Video

સાબરકાંઠા જિલ્લાના હિંમતનગર નજીક સરવણાં પાસેથી એક ટ્રક કન્ટેનર અકસ્માતે નેશનલ હાઈવે પર રોડ સાઈડ પર ઉતરી જતા ફસાઈ જવા પામ્યુ હતુ. અકસ્માતની ઘટના હોવાની સમજી પોલીસ મદદ માટે સ્થળ પર પહોંચી તો કન્ટેનરમાં દારુ ભરેલો હોવાનુ સામે આવ્યુ હતુ. પોલીસની ગાડી આવતી જોઈને જ કન્ટેનરના ચાલક અને ક્લીનર બંને ખેતરોમાં ભાગી નિકળ્યા હતા. જેથી પોલીસને કન્ટેનરમાં શંકાસ્પદ ચીજ હોવાની આશંકા થતા જ પોલીસે કન્ટેનરની અંદર ચેક કરતા દારુનો જથ્થો હાથ લાગ્યો હતો.

આ પણ વાંચોઃ Sabarkantha: હિંમતનગરને દિવાળીના તહેવારોમાં સ્વચ્છ રાખવા અનોખુ આયોજન, 5000 ડસ્ટબીન મુકાશે, જુઓ Video

ગાંભોઈ પોલીસે કન્ટેનરમાંથી 10 લાખથી વધુનો દારુની સાથે કન્ટેનરને જપ્ત કરી લીધો હતો. સાથે જ ભાગી છૂટેલા આરોપીઓને ઝડપી લેવા માટે તજવીજ હાથ ધરી હતી. કન્ટેનરમાં 6 હજાર કરતા વધારે દારુની બોટલો ભરેલી હતી. જેને લઈ હવે આ જથ્થો કોને પહોંચાડવા માટે ગુજરાતમાં ઘૂસાડાયો હતો એ દીશામાં તપાસ હાથ ધરી છે. પોલીસે દારુ મંગાવનાર અને મોકલનાર સામે પણ ગુનો નોંધીને તપાસ શરુ કરી છે.

સાબરકાંઠા સહિત ગુજરાતના તમામ જિલ્લાના સમાચાર વાંચવા માટે અહીં ક્લિક કરો