સાબરકાંઠા જિલ્લાના હિંમતનગરમાં લસ્સીમાંથી વંદો નિકળ્યાનો આક્ષેપ ગ્રાહકે કર્યો છે. ગ્રાહકે મીનાક્ષી લસ્સી અને બેકરીમાંથી લસ્સી પેક કરાવી હતી. જેને ઘરે લઈ ગયા બાદ બે કલાક રહીને મિનાક્ષી લસ્સીના દુકાનદારને ફરિયાદ કરી હતી કે, લસ્સીમાંથી વંદો મળ્યો છે.
આ અંગેના ફોટા અને વીડિયો પણ વાયરલ થવાને લઈ મામલાની ચર્ચા શરુ થઈ હતી. જેને લઈ ફૂડ વિભાગે તપાસ હાથ ધરી હતી. મિનાક્ષી લસ્સીમાંથી કેસર લસ્સી સહિત અન્ય ચીજોના સેમ્પલ લઈને તપાસ શરુ કરી હતી. ગ્રાહકના આક્ષેપને લઈ ફૂડ વિભાગ દ્વારા એ અંગેના પણ સેમ્પલ લઈને તપાસ હાથ ધરી છે.