Breaking News : નવરાત્રીમાં દીકરીઓની સુરક્ષા માટે વડોદરા ગ્રામ્ય પોલીસની ખાસ પહેલ, લોન્ચ કરી સુરક્ષા એપ

નવરાત્રી દરમિયાન મહિલાઓની સુરક્ષા સુનિશ્ચિત કરવા માટે વડોદરા ગ્રામ્ય પોલીસે ખાસ સુરક્ષા એપ્લિકેશન લોન્ચ કરી છે. આ એપની મદદથી નવરાત્રીમાં ગરબા રમવા કે અન્ય કામ માટે ઘરની બહાર નીકળતી મહિલાઓ અને યુવતીઓને ઇમરજન્સી સમયે તાત્કાલિક પોલીસની મદદ મળી શકશે. મહિલાઓની સુરક્ષાને ધ્યાનમાં રાખીને તૈયાર કરવામાં આવેલી આ એપમાં SOS બટન સહિતની ખાસ સુવિધાઓ આપવામાં આવી છે.

SOS બટન દબાવતાં જ પોલીસને મળશે જાણકારી

આ સુરક્ષા એપની સૌથી મહત્ત્વની સુવિધા SOS બટન છે. જો કોઈ મહિલા કે યુવતીને રસ્તામાં મુશ્કેલીનો સામનો કરવો પડે અથવા કોઈ ઇમરજન્સી સ્થિતિ સર્જાય, તો તે એપમાં આપેલું SOS બટન દબાવી શકે છે. બટન દબાવતાં જ પોલીસના કંટ્રોલ સેન્ટરને કોલ જશે, જેથી તાત્કાલિક મદદ પહોંચાડવાની કાર્યવાહી કરી શકાય.

દીકરીનું લોકેશન પોલીસ સુધી પહોંચશે

આ એપની મદદથી દીકરીનું લોકેશન પણ પોલીસ સુધી પહોંચતું રહેશે. આથી યુવતી ક્યાં છે તેની જાણકારી પોલીસને મળી શકશે. સાથે જ દીકરી સુરક્ષિત રીતે ઘરે પહોંચી ગઈ છે કે નહીં તેની માહિતી મેળવવામાં પણ આ સુવિધા મદદરૂપ બનશે.

ઇમરજન્સીમાં પરિવારજનોને પણ મળશે જાણકારી

આ એપમાં ઇમરજન્સી સમયે પરિવારજનોને જાણ કરવાની સુવિધા પણ રાખવામાં આવી છે. જો કોઈ યુવતી મુશ્કેલીમાં હોય, તો પોલીસની સાથે તેના પરિવારજનોને પણ ઘટનાની જાણકારી મળી શકશે. આથી પરિવારને દીકરીની સુરક્ષા અંગે માહિતી મેળવવામાં મદદ મળશે.

નવરાત્રી દરમિયાન મોટી સંખ્યામાં મહિલાઓ અને યુવતીઓ ગરબા રમવા માટે ઘરની બહાર નીકળે છે. આવા સમયે તેમની સુરક્ષા વધુ મહત્ત્વની બની જાય છે. વડોદરા ગ્રામ્ય પોલીસની આ પહેલ મહિલાઓને ઇમરજન્સી સમયે મદદ પૂરી પાડવા અને તેમની સુરક્ષા વધુ મજબૂત બનાવવાના પ્રયાસ તરીકે જોવામાં આવી રહી છે.

Breaking News : વડોદરાની SSG હોસ્પિટલમાંથી ગુજસીટોકનો આરોપી ફરાર, જુઓ Video, આ સ્ટોરી વાંચવા અહીં ક્લિક કરો