BHAVNAGAR : શહેરમાં જાહેર માર્ગો પર ખાડા સાથે રખડતા ઢોરનો પણ ત્રાસ

BHAVNAGAR : ભાવેણાવાસીઓ ભાવનગરને ખાડાનગરીની ઊપમા આપી રહ્યા છે.. જી હા, ભાવનગરમાં ચોમાસાની શરૂઆત થતાં જ સામાન્ય વરસાદમાં રોડ પર ભારે ખાડા પડ્યા છે. જેને લઈ સ્થાનિકો અને વિપક્ષ મનપાના અધિકારીઓ પર ભ્રષ્ટાચારનો આક્ષેપ કરી રહ્યા છે. સાથે જ લોકોને રોડ પર ત્રાહિમામ કરતી એક સમસ્યા છે રખડતા ઢોરની… ભાવનગર શહેરમાં એક પણ રોડ કે સર્કલ એવું નથી કે જ્યાં આખલાઓ અને રખડતા ઢોરએ અડિંગો ન જમાવ્યો હોય… શહેરમાં ખાડા વાળા રોડ અને રખડતા ઢોરને લઇને અકસ્માતો વધી રહ્યા છે… લોકોને પારાવાર મુશ્કેલીનો સામનો કરવો પડે છે… આમ છતાં મનપાના શાસકોના પેટનું પાણી હલતું નથી.