અમદાવાદમાં લોકોની સુરક્ષા માટે પોલીસ બની હાઈટેક, 205 સ્થળો પર લાગ્યા ઇમરજન્સી કોલ બોક્સ, જુઓ Video  

લોકોની સુરક્ષા એજ સરકારની પ્રથમ જવાબદારી એટલે જ હવે અમદાવાદ પોલીસ હાઈટેક બની રહી છે. રસ્તા પર રાતે ફરતી બહેન-દીકરીઓ હવે સુરક્ષા માટે આશ્વસ્ત બની શકે છે, કારણ કે આ વખતે વચન આપનાર તેનો ભાઈ કે પરિવારજન નહીં પરંતુ પોલીસ છે.

અમદાવાદ પોલીસ આ વખતે બહેન-દીકરીઓ સિનિયર સિટિઝન અને નાના બાળકોની સુરક્ષા માટે એક અનોખો પ્રોજેક્ટ લઈને આવી રહી છે. જેમાં ખાસ કરીને એવા સંજોગોમાં જ્યાં પરિવાર પહોંચી ન શકે ત્યારે તાત્કાલિક પોલીસ પહોંચી જશે.

મુશ્કેલીમાં ફસાયેલી જે તે વ્યક્તિ એક બટન દબાવશે તો થોડી વારમાં જ તેમનો મેસેજ પોલીસ કંટ્રોલ રૂમ સુધી પહોંચી જશે અને વીડિયો સાથે તે વાત કરી શકશે. આ સ્થિતિનો તાગ મેળવીને તાત્કાલિક નજીકની પોલીસ અથવા જરૂર પડ્યે સિનિયર અધિકારી પણ ત્યાં પહોંચી શકે તે માટેની વ્યવસ્થા અમદાવાદ શહેર પોલીસમાં પ્રથમ વખત થઈ છે.

દેશના 8 શહેરમાં આ પ્રોજેક્ટની શરૂઆત કરનારનું અમદાવાદ શહેર દેશમાં સૌપ્રથમ છે. આ પ્રોજેકટ કેવી રીતે મદદ પહોંચાડશે તે અંગે Tv9 દ્વારા નિષણાતો સાથે પણ વાત કરવાંઆ આવી હતી.