Ahmedabad Video: અમદાવાદમાં નશો કરી એસ જી હાઈવે પર સર્પાકાર કાર હંકારતો સુરતનો યુવક ઝડપાયો, સેટેલાઈટ પોલીસે કરી કાર્યવાહી

TV9 Gujarati | Edited By: Avnish Goswami | Updated on: Jul 29, 2023 | 4:17 PM

અમદાવાદમાં ઈસ્કોન બ્રિજ (Iskcon Bridge) પર સર્જાયેલા ગોઝારા અકસ્માત બાદ પણ નશામાં ધૂત વાહન ચાલકો કાર અકસ્માત સર્જી રહ્યા હોવાના બનાવો એક બાદ એક સામે આવી રહ્યા છે. જેને અટકાવવા માટે અમદાવાદ પોલીસે (Ahmedabad Police) હવે કડકાઈ હાથ ધરી છે.

બેફામ વાહન હંકારવાને લઈ જાણે કે હજુ પણ યુવાનોમા કાયદાનો કોઈ જ ખોફ જોવા નથી મળી રહ્યો. અમદાવાદમાં ઈસ્કોન બ્રિજ પર સર્જાયેલા ગોઝારા અકસ્માત બાદ પણ નશામાં ધૂત વાહન ચાલકો કાર અકસ્માત સર્જી રહ્યા હોવાના બનાવો એક બાદ એક સામે આવી રહ્યા છે. જેને ડામવા માટે અમદાવાદ પોલીસે હવે કડકાઈ હાથ ધરી છે. આ દરમિયાન અમદાવાદ સરખેજ હાઈવે પર એક યુવક કારને નશાની હાલતમાં હંકારી રહ્યો હતો. તેણે નશો કરીને કારને સર્પાકાર ચલાવી રહ્યો હતો. જેને લઈ પોલીસે તેને ઈસ્કોન બ્રિજ થી કર્ણાવતી ક્લબ વચ્ચે રસ્તા પરથી ઝડપી પાડ્યો હતો.

સેટેલાઈટ પોલીસ સ્ટેશને યુવકને લાવીને તેની વિરુદ્ધ ફરીયાદ નોંધી કાર્યવાહી કરવામાં આવી છે. કારચાલક યુવક સુરતનો હોવાનુ ખૂલ્યુ છે. યુવક ભાવેશ ઠાકોર નામ ધરાવે છે અને તે નશાની હાલતમાં કાર હંકારી રહ્યો હોઈ સેટેલાઈટ પોલીસ મથકે તેની સામે ગુનો નોંધવામાં આવ્યો છે.