અમદાવાદમાં ગેરકાયદે પાર્કિંગ પર AMCનો સકંજો, 250 સંસ્થાઓ-એકમોને નોટિસ ફટકારાઈ

અમદાવાદમાં ગેરકાયદે પાર્કિંગ સામે અમદાવાદ મહાનગરપાલિકા (AMC) એ કડક વલણ અપનાવ્યું છે. શહેરના 250થી વધુ શૈક્ષણિક સંસ્થાનો, મોલ, હોસ્પિટલો અને કોમર્શિયલ એકમોને પાર્કિંગ નિયમોના ભંગ બદલ નોટિસ ફટકારવામાં આવી છે.

AMC દ્વારા રાજપથ ક્લબ, કર્ણાવતી ક્લબ, વાઈડ એંગલ સિનેમા, નિર્મા યુનિવર્સિટી, ઇસ્કોન મોલ અને સહજાનંદ કોમ્પલેક્ષ જેવી પ્રતિષ્ઠિત સંસ્થાઓ તેમજ સિટી સેન્ટર અને સ્વસ્તિક ચાર રસ્તા વિસ્તારના એકમોનો સમાવેશ થાય છે. આ એકમોને તેમની ઇમારતો બહાર રોડ પર વાહનો પાર્ક થતા હોવાને કારણે નોટિસ અપાઈ છે.

AMCએ સ્પષ્ટ ચેતવણી આપી છે કે જો એકમોની બહાર રોડ પર વાહનો પાર્ક કરવામાં આવશે તો કડક કાર્યવાહી કરવામાં આવશે. મહાનગરપાલિકાએ તમામ એકમોને પોતાની પાર્કિંગ સુવિધાનો સંપૂર્ણ ઉપયોગ કરવા સૂચના આપી છે. આ ઉપરાંત, AMCએ પાર્કિંગ સામે ટેક્સ માફી યોજનામાં જોડાવા માટે પણ અપીલ કરી છે, જેથી શહેરના ટ્રાફિક અને પાર્કિંગની સમસ્યાને હળવી કરી શકાય.

અમદાવાદની જનતા પર મોંઘવારીનો વધુ એક ડામ : સીએનજી મોંઘો થતાં રિક્ષાના ભાડામાં ઝીંકાયો તોતિંગ વધારો