JUNAGADH : જૂનાગઢના માળીયા હાટીના તાલુકાની ધરમપુર ગ્રામ પંચાયતની ચૂંટણીમાં મહિલા સશક્તિકરણનું ઉત્તમ ઉદાહરણ જોવા મળ્યું. 21 વર્ષિય દર્શના દેવાયત વાઢેરની સરપંચ પદે જીત થઇ છે.. 21 વર્ષના યુવા સરપંચ પર ગ્રામજનોએ જીતનો કળશ ઢોળ્યો છે.કોંગ્રેસ પ્રમુખના પત્નીને હરાવીને દર્શના દેવાયત વાઢેર યુવા સરપંચ બન્યા છે. 256 મતની લડી સાથે તેઓ વિજેતા થયા છે. તેમણે ગ્રામજનોનો આભાર માન્યો છે.. સાથે જ ગામના વિકાસ કાર્યોને પ્રાધાન્ય આપી અને ગામના સર્વાગિ વિકાસની વાત પણ કરી છે.
જૂનાગઢની અન્ય ગ્રામ પંચાયતોની વાત કરીએ તો જૂનાગઢના માંગરોળના ધારાસભ્ય બાબુ વાજાના પુત્રવધુનો ગ્રામ પંચાયતની ચૂંટણીમાં કારમો પરાજય થયો.ગડુ ગ્રામ પંચાયતની ચૂંટણીમાં બાબુ વાજાના પુત્ર રમેશ વાજાના પત્ની હારી ગયા હતા. એક સામાન્ય માણસ બાબુ મોકરિયાના ધર્મપત્નીનો 430 મતે વિજય થયો હતો. કાર્યકરોએ ગુલાલની છોળો ઉડાડી વિજેતા ઉમેદવારને અભિનંદન પાઠવ્યા હતા.
તો જૂનાગઢના શાપુર ગામમાં ફળદુ પરિવારનો દબદબો અકબંધ રહ્યો. શાપુરના સરપંચ પદે ટીનું ફળદુનો 2100 મતની લીડથી ભવ્ય વિજય થયો. શાપુર ગામમાં 45 વર્ષથી એક જ પરિવારના સરપંચ ચૂંટાઈ આવે છે.સરપંચ પદે ચૂંટાયેલા ટીનું ફળદુ અને અન્ય સભ્યોનું ગ્રામજનોએ ફૂલહારથી સ્વાગત કર્યું.તો વિજય ઉત્સવમાં ડીજેના તાલે પાંચ હજાર ગ્રામજનો જોડાયા હતા.
આ પણ વાંચો : Gandhinagar: કેબિનેટમાં લેવાયા મહત્વના નિર્ણયો, રાજ્યમાં આગામી 26 થી 31 ડિસેમ્બર સુધી “સુશાસન સપ્તાહ”ની ઉજવણી કરાશે
આ પણ વાંચો : SURAT : ગોપીપુરામાં અશાંત ધારો ભંગના આરોપના કેસમાં નવો વળાંક, જાણો શું કહ્યું પોલીસે
Published On - 6:57 pm, Wed, 22 December 21