દ્વારકા જિલ્લાના બરડીયા નજીક ભયંકર અકસ્માત થયો છે, આ અકસ્માતમાં 7 લોકોના મોત થયાની જાણકારી મળી છે, જ્યારે 14થી વધારે લોકો ઘાયલ હોવાની પણ માહિતી મળી છે. ત્યારે આ અકસ્માત ટ્રાવેલ્સ બસ, બે કાર અને બાઈક વચ્ચે થયો હતો. આખલો રસ્તામાં આવી જતા બસ ચાલકે હેન્ડલ પરથી કાબુ ગુમાવ્યો હતો, અને ટ્રાવેલ્સ બસ સામેથી આવતી બે ગાડીઓને ટક્કર મારી હતી, જેમાં બાઈક સવારનો પણ અકસ્માત થયો હતો.
મહત્વનું છે કે અકસ્માતમાં એક સાથે 7 લોકોના મોતથી તંત્રમાં દોડધામ મચી ગઈ હતી. 108 એમ્બ્યુલન્સ અને ફાયરની ટીમ ઘટના સ્થળે પહોચી ગઈ હતી. ઘાયલોને વાહનમાંથી એમ્બ્યુલન્સમાં ટ્રાન્સફર કરી દ્વારકાની હોસ્પિટલમાં સારવાર માટે મોકલવામાં આવ્યા છે. જ્યારે 7 મૃતકોમાંથી 5 લોકો કલોલના પલસાણાના વતની હોવાનું જાણવા મળ્યું છે.