પેટ્રોલ-ડિઝલના વધતા ભાવને લઈને Zomato વધારશે રાઈડર્સનું વેતન, છતાં ખુશ નથી કર્મચારીઓ

ભારતીય ફૂડ ડિલીવરી યુનિકોર્નના Zomatoએ જાહેરાત કરી છે કે તે તેના રાઈડર્સના પગારમાં વધારો કરશે. દેશમાં પેટ્રોલની સતત વધતી કિંમતોને ધ્યાનમાં રાખીને આ નિર્ણય લેવામાં આવ્યો છે. દેશમાં ઈંધણના ભાવ છેલ્લા 10 દિવસથી સતત વધી રહ્યા છે. એકલા દિલ્હીમાં પેટ્રોલની કિંમત 90.93 રૂપિયા છે, જ્યારે ડીઝલની કિંમત 81.32 રૂપિયા છે. તે જ સમયે, મુંબઈમાં પેટ્રોલની કિંમત રૂપિયા 97.34 છે, જ્યારે ડીઝલની કિંમત 88.44 રૂપિયા છે.

ઝોમાટો કહે છે કે તેના રાઈડર્સ દિવસમાં 100થી 200 કિ.મીની મુસાફરી કરે છે. આવી સ્થિતિમાં તે પેટ્રોલ પર દર મહિને 800 રૂપિયા ખર્ચ કરી રહ્યો છે. પગારમાં વધારો થવાને કારણે ડિલિવરી પાર્ટનરને ચોક્કસપણે થોડી રાહત મળશે, કારણ કે આ ક્ષણે તેઓ તેમના બેઝ ક્ષેત્રની તુલનામાં બહાર છે.

ઝોમાટોના ચીફ ઓપરેટિંગ ઓફિસર મોહિત સરદાનાએ જણાવ્યું હતું કે, પેટ્રોલના વધતા ભાવ કમાણીને કેવી અસર કરે છે તેનાથી આપણે પરિચિત છીએ. આવી સ્થિતિમાં અમે અમારા ડિલિવરી પાર્ટનરના પગારમાં 7થી 8 ટકાનો વધારો કરવા જઈ રહ્યા છીએ. અમે દેશના 40 શહેરોમાં આ અંગેની ઘોષણા કરી ચૂકી છે. આ રીતે આવતા અઠવાડિયામાં અમે તેને અન્ય શહેરોમાં પણ પહોંચાડીશું.

રાઈડર્સ પગાર વધારાથી ખુશ નથી
જણાવી દઈએ કે ઝોમાટોના આ નિર્ણય બાદ રાઈડર્સ ખુશ નથી. રાઈડર્સ કહે છે કે તેઓને હજુ પણ વધારે પગાર જોઈએ છે. ડિલિવરી પાર્ટનરે જણાવ્યું હતું કે, દરેક શહેર મુજબ દરેક રાઈડર્સને વિવિધ પ્રકારના પૈસા મળશે. તમે ઝોમાટો સાથે કેટલા વર્ષોથી સંકળાયેલા છો તે પણ પગાર વધારામાં આધાર રાખે છે. રાઈડરોએ કહ્યું કે, તેઓએ આજકાલ પેટ્રોલ પર ઘણો ખર્ચ કરવાનું શરૂ કરી દીધો છે અને ઓર્ડર પણ ઓછા છે. આવી સ્થિતિમાં અમારે પોતાનું ઘર પણ ચલાવવું પડે છે.

આ પણ વાંચો: લોકોના જીવના જોખમે હોસ્પિટલો અને શાળાઓ ધંધો ન કરી શકે: Gujarat High Court