Trending Video: દુનિયાનો સૌથી મોટો ગલ્લો! 3 માળની બિલ્ડિંગ જેટલો ઊંચો, માણસ પણ દેખાય વામણો
જો તમે એમ માનતા હોવ કે ગલ્લો (પિગી બેંક) માત્ર બચતના પૈસા સાચવવા માટેની નાની વસ્તુ છે, તો તમારી આ ધારણા હવે બદલવાનો સમય આવી ગયો છે. ગિનીસ વર્લ્ડ રેકોર્ડ્સ દ્વારા શેર કરવામાં આવેલા એક વાયરલ વીડિયોએ દુનિયાભરના લોકોને ચોંકાવી દીધા છે, જેમાં દુનિયાનો સૌથી મોટો ગલ્લો જોવા મળી રહ્યો છે. આ ગલ્લાનું કદ એટલું મોટું છે કે, તે કોઈ બે-ત્રણ માળની બિલ્ડિંગ જેટલું ઊંચું દેખાય છે અને તેની સામે ઊભો રહેનાર સામાન્ય માણસ પણ તદ્દન નાનો નજરે પડે છે.
બાળપણમાં તમે પણ માટી કે પ્લાસ્ટિકનો નાનો ગલ્લો જરૂર જોયો હશે. ઘણા લોકોએ તો તેમાં પોતાના પૈસા પણ જમા કર્યા હશે પરંતુ શું તમે ક્યારેય એવો ગલ્લો જોયો છે, જેની સામે ઊભા રહેવા પર માણસ પણ નાનો દેખાવા લાગે?
કોલંબિયામાં બનેલ એક વિશાળકાય ગલ્લો આજકાલ લોકોનું ધ્યાન ખેંચી રહ્યું છે. ગલ્લાનો આકાર એટલો મોટો છે કે, પહેલી નજરે જોઈને કોઈ પણ હેરાન થઈ જાય. આ ગલ્લાનો વીડિયો ‘ગિનીસ વર્લ્ડ રેકોર્ડ’ (Guinness World Record) એ પોતાના ઈન્સ્ટાગ્રામ એકાઉન્ટ પરથી શેર કર્યો છે.
કોલંબિયામાં બન્યો દુનિયાનો ‘સૌથી મોટો ગલ્લો’
આ કોઈ સામાન્ય ગલ્લો નથી પરંતુ દુનિયાના સૌથી મોટા ગલ્લાનો રેકોર્ડ બનાવનારી એક ખાસ કલાકૃતિ છે. તેને કોલંબિયાના ‘મનો ડેલ આર્ટેસાનો – પુએબ્લિટો ડી બારો’ (Mano del Artesano – Pueblito de Barro) એ બનાવ્યું છે.
તેની ઊંચાઈ 9 મીટર એટલે કે લગભગ 29 ફૂટ 6 ઈંચ છે, જ્યારે તેની લંબાઈ 10.36 મીટર એટલે કે લગભગ 34 ફૂટ છે. તેનો આકાર જ તેને ખૂબ ખાસ બનાવે છે.
આખરે કેટલો વિશાળ છે આ ગલ્લો?
આ ગલ્લાની ઊંચાઈ અને લંબાઈ જાણીને જ તમે તેના વિશાળ આકારનો અંદાજો લગાવી શકો છો. 9 મીટર ઊંચાઈનો અર્થ એ છે કે, તે કોઈ બે કે ત્રણ માળની ઈમારત જેટલો ઊંચો દેખાઈ શકે છે. 10.36 મીટરની લંબાઈ તેને વધુ ખાસ બનાવે છે.
સામાન્ય રીતે ગલ્લો એવો હોય છે, જેને સરળતાથી હાથમાં ઉપાડી શકાય અથવા ઘરના કોઈ ખૂણામાં રાખી શકાય. એવામાં આ વિશાળ ગલ્લાને જોઈને સ્પષ્ટ સમજી શકાય છે કે, કલાકારોએ એક સાધારણ વસ્તુને ખાસ રૂપ આપવાનો પ્રયાસ કર્યો છે.
કોલંબિયાના કલાકારોની ‘ખાસ કલાકારી’
આ વિશાળકાય ગલ્લાને બનાવવા પાછળ કલાકારોની મહેનત અને સર્જનાત્મક (ક્રિએટિવ) વિચારની ઝલક જોવા મળે છે. માટી સાથે જોડાયેલી કલાકૃતિઓ દુનિયાના ઘણા ભાગોમાં બનાવવામાં આવે છે. જો કે, કોઈ સામાન્ય વસ્તુને આટલા મોટા આકારમાં તૈયાર કરવી એ પોતાનામાં જ રસપ્રદ બાબત છે.
