Viral Video : ટિકિટ ચેકરે મહિલા પેસેન્જરને કરી પરેશાન, વીડિયો થયો વાયરલ, રેલવે એ કર્યો સસ્પેન્ડ

Ticket Checker Video: બેંગલુરુના કેઆરપુરમ રેલ્વે સ્ટેશન પર ટિકિટ ચેકર અને એક મહિલા મુસાફર વચ્ચે ઉગ્ર બોલાચાલી થઈ હતી. આ ઘટનાનો વીડિયો સોશિયલ મીડિયા પર વાયરલ થઈ રહ્યો છે. વીડિયોમાં આ ટીસી પોતાની ટિકિટ માટે ચિંતિત મહિલા પર બૂમો પાડતો જોવા મળે છે. બીજી તરફ પ્લેટફોર્મ પર ઉભેલા લોકો આ લોકો વચ્ચેની બોલાચાલી જોઈ રહ્યા છે.

મહિલા ભારપૂર્વક કહે છે કે તેણે તેની ટિકિટ બુક કરાવી હતી અને તે અન્ય ટીસીને બતાવી હતી, પરંતુ આ રેલ્વે કર્મચારી તેને ચૂપ કરે છે અને ખુબ જ ખરાબ રીતે ગુસ્સે થાય છે. આવી સ્થિતિમાં આસપાસ ઉભેલા લોકો ટીસીને રોકવાનો પ્રયાસ કરે છે. આ દરમિયાન તેના પર નશામાં હોવાનો પણ આરોપ છે.

વીડિયોમાં શું છે?

Drunk TT pulled her at KJM . While the girl was telling she had her ticket, showed ticket to TT but TT didn’t listen anything,pulled her and still misbehave with her.We need explanation for on duty drunk TT.@RailMinIndia@Central_Railway please take strict action against the TT. pic.twitter.com/UUjRcm8X1w

— Karishma behera (@karishma_behera) March 14, 2023

પરેશાન મહિલા આ રેલ્વે કર્મચારીને પૂછતી જોવા મળે છે, “તમે મને કેમ ધમકી આપી રહ્યા છો? મેં ટિકિટ બુક કરાવી છે અને તેથી જ હું અહીં છું.” આના જવાબમાં રેલ્વે કર્મચારી કહે છે બતાવો અને જાઓ. આ મારું કામ છે. આ પછી ધીમે ધીમે બીજા લોકો પણ ત્યાં એકઠા થઈ ગયા અને મહિલાની પાસે ઊભેલો એક વ્યક્તિ કહે છે, “આ છોકરી એકલી મુસાફરી કરી રહી છે અને તે તેને ધમકાવી રહ્યો છે.

હું આ મહિલાને ઓળખતો પણ નથી પરંતુ હું જોઈ શકું છું કે આ વ્યક્તિ તેની મજાક ઉડાવી રહ્યો છે.” આ વીડિયો સોશિયલ મીડિયા પર વાયરલ થઈ રહ્યો છે, લોકો આ ઘટનાને વખોડી રહ્યા છે, એકલી મહિલા પર ટીકિટ ચેકરની આવી રીતે વાતચીત કરવા પર લોકો રોષ ઠાલવી રહ્યા છે.