વિશ્વમાં પ્રતિભાશાળી લોકોની કોઈ કમી નથી. કેટલાક લોકોમાં, આ કૌશલ્ય એટલું બધુ હોય છે કે જોનારાઓને પણ દાંત નીચે આંગળી દબાવવાની ફરજ પડે છે. હાલ એક મેકઅપ આર્ટિસ્ટ (Makeup artist)નો એક વીડિયો સોશિયલ મીડિયા (Social Media)ની દુનિયામાં ખળભળાટ મચાવી રહ્યો છે. ખરેખર, આ વીડિયો એટલો શાનદાર છે કે તમે પણ આ યુવતીના ટેલેન્ટના વખાણ કર્યા વિના રહી શકશો નહીં.
આ યુવતીએ મેકઅપ દ્વારા પોતાને બોલિવૂડ એક્ટર શાહરૂખ ખાન જેવો જ લુક આપ્યો છે. યુવતીનું આ ટેલેન્ટ જોઈને બધા આશ્ચર્યચકિત થઈ જાય છે. વીડિયો જોયા પછી તમે કહી શકશો નહીં કે તે અસલી શાહરૂખ ખાન નથી. દીક્ષિતા નામની યુવતી, જેનો વીડિયો (Viral Videos) સોશિયલ મીડિયા પર ધૂમ મચાવી રહ્યો છે, તે દિલ્હીની રહેવાસી છે. દીક્ષિતા વ્યવસાયે મેકઅપ આર્ટિસ્ટ છે.
તેણે આ વીડિયો પોતાના ઈન્સ્ટાગ્રામ એકાઉન્ટ પર શેર કર્યો છે, જેને લોકો ખૂબ પસંદ કરી રહ્યા છે. વીડિયોની શરૂઆતમાં દીક્ષિતા શાહરૂખ ખાનનો સૂટ પહેરેલો ફોટો બતાવે છે. જ્યારે કિંગ ખાનની ફિલ્મ ‘રાવણ’નું ગીત છમ્મક છલ્લો બેકગ્રાઉન્ડમાં વાગતું સંભળાય છે. આ દરમિયાન દીક્ષિતા પોતાનો મેકઅપ કરવા લાગે છે. પછી જોતાં જ તે પોતાને શાહરૂખ ખાન (Shah Rukh Khan)નો લુક આપે છે. તો ચાલો પહેલા આ વીડિયો જોઈએ.
stuck.in.a.paradise નામના ઈન્સ્ટાગ્રામ (Instagram) એકાઉન્ટ પર એક સપ્તાહ પહેલા અપલોડ કરાયેલા આ વીડિયોને 1 લાખ 75 હજારથી વધુ લોકોએ લાઈક કર્યો છે. આ સંખ્યા સતત વધી રહી છે. આ સિવાય વીડિયો જોયા બાદ લોકો સતત તેના પર પોતાની પ્રતિક્રિયા આપી રહ્યા છે. કેટલાક યુઝર્સે કોમેન્ટ કરીને લખ્યું છે કે તેઓ સમજી શકતા નથી કે અસલી શાહરૂખ કોણ છે. આ યુવતીમાં અદ્ભુત ટેલેન્ટ છે. એકંદરે, કોમેન્ટ સેક્શન પર નજર કરીએ તો ખબર પડે છે કે દીક્ષિતાનું ટેલેન્ટ જોઈને બધા તેના ફેન થઈ ગયા છે.
તમને જણાવી દઈએ કે દીક્ષિતાએ આવું પહેલીવાર કર્યું નથી. તેના ઇન્સ્ટાગ્રામ એકાઉન્ટ પર નજર કરીએ તો ખબર પડે છે કે તેણે મેકઅપ દ્વારા અન્ય ઘણા કલાકારોને સેમ લુક આપ્યો છે. જેમાં તમને રેખા, માઈકલ જેક્સન, નવાઝુદ્દીન સિદ્દીકી, ધનુષ, જેકલીન ફર્નાન્ડીઝ, કંગના રનૌત, સિદ્ધાર્થ મલ્હોત્રા જોવા મળશે.
આ પણ વાંચો: Technology: WhatsApp માં ત્રીજી ટિકથી સ્ક્રીનશોટની જાણ થતી હોવાના ફિચરને લઈ કરાઈ સ્પષ્ટતા, જાણો શું કહ્યું
આ પણ વાંચો: Viral: વૃદ્ધની મસ્તી કૂતરાને પસંદ ન આવી ! યુવક સાથે કર્યું કંઈક આવું, જૂઓ આ લાગણીસભર વીડિયો