Trending Video: પીઠ ખંજવાળીને મહિને ₹14 લાખ છાપે છે આ શખ્સ, એક નાનકડી આદતમાંથી બન્યો કરોડોનો બિઝનેસ
દુનિયામાં બિઝનેસ કરવા માટે લોકો નવનવા આઇડિયા શોધતા હોય છે પણ ચીનના એક યુવકે એવો અનોખો કમાલ કરી બતાવ્યો છે કે, જેના વિશે સાંભળીને કોઈ પણ દંગ રહી જાય. 32 વર્ષના યુવકે લોકોની પીઠ અને શરીર પર ખંજવાળવાની એક સ્પેશિયલ દુકાન શરૂ કરી છે. સોશિયલ મીડિયા પરથી મળેલા એક આઇડિયાથી શરૂ થયેલો આ અજીબોગરીબ બિઝનેસ એટલો સુપરહિટ થઈ ગયો છે કે, યુવક દર મહિને 14 લાખ રૂપિયાથી વધુની કમાણી કરી રહ્યો છે.
દુનિયામાં બિઝનેસ માટે લોકો ભાત-ભાતના આઇડિયા શોધતા હોય છે. કોઈ જમવાનું વેચે છે તો કોઈ કપડાં કે બીજી વસ્તુઓનો કારોબાર કરે છે પરંતુ ચીનના એક શખ્સે એવો બિઝનેસ શરૂ કર્યો છે કે, જેના વિશે સાંભળીને કદાચ તમને પહેલીવારમાં વિશ્વાસ જ નહીં થાય પણ આ સચ્ચાઈ છે.
શખ્સનો આ બિઝનેસ આઇડિયા એટલો અદ્ભુત નીકળ્યો કે, તેની દર મહિને લગભગ 14 લાખ રૂપિયાની કમાણી થઈ રહી છે. આ બિઝનેસ આઇડિયા માર્કેટમાં એ હદે ધૂમ મચાવી રહ્યો છે કે, હવે તેણે એક બીજી બ્રાન્ચ પણ ખોલી લીધી છે.
ખંજવાળવાની ખોલી દુકાન
એક શખ્સે પીઠ ખંજવાળવાની દુકાન ખોલી અને તેની દુકાન ખૂલતાં જ જાણે તેની લોટરી લાગી ગઈ. લોકો પૈસા આપીને અહીં પોતાની પીઠ અને શરીર પર ખંજવાળ કરાવવા પહોંચી રહ્યા છે. મીડિયા રિપોર્ટ અનુસાર, આ અનોખો બિઝનેસ ચીનના દક્ષિણ ભાગમાં રહેતા 32 વર્ષના ઝાંગ શિયાઓચિયાઓએ શરૂ કર્યો છે. તેમણે એવી દુકાન ખોલી છે કે, જ્યાં કર્મચારીઓ ગ્રાહકોને ખાસ રીતે ખંજવાળવાની સર્વિસ આપે છે.
1 કલાકના લાગે છે 3500 રૂપિયા
આ દુકાનનો માહોલ કંઈક-કંઈક મસાજ સેન્ટર જેવો છે. ગ્રાહક બેડ પર ઊંધા સૂઈ જાય છે અને કર્મચારીઓ ખાસ ડિઝાઈનના નેલ્સ (નખ) પહેરીને તેમની પીઠ કે શરીરના બીજા ભાગો પર ધીમે-ધીમે ખંજવાળે છે. આ એક કલાકની સર્વિસ માટે ગ્રાહક પાસેથી લગભગ 300 યુઆન એટલે કે આશરે 3,500 રૂપિયા લેવામાં આવે છે. ગ્રાહક પોતાની જરૂરિયાત મુજબ શરીરના કોઈ ખાસ ભાગ પર પણ ખંજવાળ કરાવવા માટે કહી શકે છે.
ઝાંગનું કહેવું છે કે, આ સર્વિસનો હેતુ માત્ર ખંજવાળ મટાડવાનો નથી. તેમના મતે, કેટલાક લોકોને આનાથી આરામ અનુભવાય છે અને તણાવ દૂર કરવામાં પણ મદદ મળી શકે છે. કેટલાક ગ્રાહકો તો આને મસાજ કરતાં પણ વધુ સુકૂન આપનારું ગણાવે છે.
કેવી રીતે આવ્યો આટલો અજીબ આઇડિયા?
ઝાંગ પહેલાં પણ ઘણા પ્રકારના બિઝનેસ અને નોકરીઓ અજમાવી ચૂક્યો છે પરંતુ તેને આ અનોખા બિઝનેસનો આઇડિયા એક સોશિયલ મીડિયા વીડિયો જોઈને આવ્યો. વીડિયોમાં એક મહિલા તેના પતિની પીઠ ખંજવાળી રહી હતી. તેની કમેન્ટ્સમાં ઘણા લોકોએ લખ્યું હતું કે, જો કોઈ તેમના માટે આવું કરે તો તેઓ આના પૈસા આપવા માટે તૈયાર છે.
બસ, અહીંથી જ ઝાંગના મગજમાં બિઝનેસનો આઇડિયા આવ્યો. તેમને પોતાના બાળપણની એક યાદ પણ આવી. તેમના પિતા અવારનવાર તેમની પીઠ ખંજવાળતા હતા અને તેનાથી તેમને ઘણો આરામ મળતો હતો. ઝાંગે વિચાર્યું કે, જો લોકોને આવી સર્વિસ પ્રોફેશનલ રીતે આપવામાં આવે તો કદાચ તેઓ આના માટે પૈસા પણ આપશે.
એક મહિના પછી ખોલી દીધી ‘બીજી બ્રાન્ચ’
ઝાંગે પોતાની પહેલી દુકાન શેનઝેનના બાઓઆન જિલ્લામાં મે મહિનાની શરૂઆતમાં ખોલી હતી. તેના લગભગ એક મહિના પછી તેમણે ફુતિયાન જિલ્લામાં બીજી બ્રાન્ચ પણ શરૂ કરી દીધી. રિપોર્ટ મુજબ, બંને દુકાનોથી દર મહિને લગભગ 1 લાખ યુઆન એટલે કે આશરે 14-15 લાખ રૂપિયાની ગ્રોસ કમાણી થઈ રહી છે.
બંને આઉટલેટ હવે પોતાનો ખર્ચ કાઢ્યા પછી નફા તરફ આગળ વધી રહ્યા છે. હવે ઝાંગનું સપનું આ બિઝનેસને વધુ મોટો કરવાનું છે. તે ચીનના અલગ-અલગ શહેરોમાં લગભગ 100 દુકાનો ખોલવા માગે છે. તેમનું માનવું છે કે, જે કામને લોકો પહેલાં અજીબ સમજતા હતા, તે ભવિષ્યમાં એક વિધિવત પ્રોફેશન બની શકે છે. ટૂંકમાં, જેને આપણે રોજિંદી એક નાની જરૂરિયાત સમજીએ છીએ, ઝાંગે તેને જ લાખો રૂપિયાના બિઝનેસ આઇડિયામાં બદલી નાખ્યો.
