Trending Video: રીલ બનાવવાના ચક્કરમાં નદીમાં ઉતારી દીધી SUV, આગળ જે થયું તે જોઈને હોશ ઊડી જશે
સોશિયલ મીડિયા પર વાયરલ થવાની ઘેલછામાં લોકો ઘણીવાર પોતાનો જીવ જોખમમાં મૂકી દેતા હોય છે. રીલ બનાવવાના ચક્કરમાં એક કારચાલકે પોતાની એસયુવી કારને ધસમસતા નદીના પાણીમાં ઉતારી દીધી હતી. પાણીનો પ્રવાહ એટલો ઝડપી હતો કે, કાર નદીની વચ્ચે જ ફસાઈ ગઈ અને તેમાં સવાર લોકો મુશ્કેલીમાં મુકાઈ ગયા.
સોશિયલ મીડિયા પર વાયરલ થવાની ઘેલછામાં લોકો ઘણીવાર એવા પગલાં ભરી લે છે, જેની કિંમત તેમનો જીવ આપીને પણ ચૂકવવી પડી શકે છે. જમ્મુ-કાશ્મીરના સોનમર્ગમાંથી સામે આવેલો આવો જ એક વીડિયો આજકાલ સોશિયલ મીડિયા પર ખૂબ વાયરલ થઈ રહ્યો છે.
અહીં કેટલાક યુવકોએ રીલ બનાવવાના ચક્કરમાં પોતાની SUV ને સિંધ નદીમાં ઉતારી દીધી. આ પછી કાર નદીની વચ્ચે ફસાઈ ગઈ અને તેમાં રહેલા લોકો પોતે જ મુશ્કેલીમાં મુકાઈ ગયા.
રીલના ચક્કરમાં નદીમાં ઉતારી SUV
વાયરલ વીડિયોમાં જોઈ શકાય છે કે, મહિન્દ્રા સ્કોર્પિયો નદીના પાણીમાં ફસાયેલી છે. આસપાસ પાણીનો પ્રવાહ ખૂબ જ ઝડપી દેખાઈ રહ્યો છે. કહેવામાં આવી રહ્યું છે કે, આ ઘટના હોટેલ સિંધ રિસોર્ટ્સ પાસે બની હતી. એવું પણ સામે આવ્યું છે કે, યુવકો સોશિયલ મીડિયા માટે વીડિયો બનાવવાનો પ્રયાસ કરી રહ્યા હતા.
આ દરમિયાન તેમણે SUV ને નદીના પટમાં ઉતારી દીધી. એવામાં કદાચ તેમને અંદાજ નહોતો કે, પાણીનું વહેણ એટલું ઝડપી હશે કે તેમની ગાડી ત્યાં જ ફસાઈ જશે. થોડી જ વારમાં સ્થિતિ ગંભીર બની ગઈ. કાર નદીની વચ્ચે ફસાઈ ગઈ અને તેમાં સવાર લોકો માટે બહાર નીકળવું મુશ્કેલ બની ગયું. આ પછી ઘટનાની જાણ પોલીસને કરવામાં આવી હતી.
પોલીસ અને સ્થાનિક લોકોએ બચાવ્યો ‘જીવ’
માહિતી મળતા જ જમ્મુ-કાશ્મીર પોલીસ અને સ્થાનિક લોકો ઘટનાસ્થળે પહોંચી ગયા હતા. સૌએ મળીને રેસ્ક્યૂ ઓપરેશન શરૂ કર્યું અને કારમાં ફસાયેલા લોકોને સુરક્ષિત બહાર કાઢી લીધા. રાહતની વાત એ રહી કે, આ ઘટનામાં કોઈ ઘાયલ થયાના અહેવાલ નથી. બાદમાં SUV ને પણ નદીમાંથી બહાર કાઢી લેવામાં આવી હતી.
વીડિયો જોઈને લોકો ભડક્યા
ઘટનાનો વીડિયો સોશિયલ મીડિયા પર સામે આવ્યા બાદ લોકોનો ગુસ્સો પણ જોવા મળ્યો હતો. ઘણા યુઝર્સે યુવકોના આ કૃત્યને અત્યંત બેદરકારીભર્યું ગણાવ્યું હતું. લોકોનું કહેવું છે કે, કેટલીક સેકન્ડની રીલ અને થોડી લાઈક્સ માટે પોતાનો જીવ જોખમમાં મૂકવો બિલકુલ યોગ્ય નથી.
એક યુઝરે કટાક્ષ કરતા લખ્યું કે, “SUV વાળા પાસે મગજ હોવું અશક્ય છે.” બીજા એક યુઝરે કહ્યું કે, વધારે પૈસા આવવાની સાથે લોકોની અક્કલ ઊડી જાય છે. કેટલાક લોકોએ તો યુવકો સામે કડક કાર્યવાહી કરવાની માંગ પણ કરી હતી.
