Trending Video : છેતરપિંડી કરનારા Amazon ડિલિવરી બોયનો ખેલ ખતમ, બોગસ ‘Delivered’ મેસેજ બાદ 30 મિનિટમાં પોલીસના સકંજામાં

એક પ્રવાસી ઋષિકેશ ફરવા ગયો હતો. આ દરમિયાન તેણે Amazon પરથી એક જરૂરી અને દુર્લભ સામાન ઓર્ડર કર્યો હતો. પ્રવાસી બીજા રાજ્યમાંથી ફરવા આવ્યો હોવાની જાણ ડિલિવરી બોયને થઈ હતી. આરોપ છે કે ડિલિવરી બોયે ગ્રાહકને સામાન આપ્યા વિના જ એપ પર ઓર્ડરને Delivered બતાવી દીધો હતો.

આ ઘટના બાદ પ્રવાસીએ સ્થાનિક પોલીસ સ્ટેશનમાં ફરિયાદ નોંધાવી હતી. ફરિયાદ મળ્યા બાદ પોલીસે તાત્કાલિક કાર્યવાહી હાથ ધરી હતી. પોલીસે ડિલિવરી બોયની લોકેશન ટ્રેસ કરી માત્ર 30 મિનિટમાં જ તેને ઝડપી લીધો હતો. સમગ્ર મામલે વધુ તપાસ હાથ ધરવામાં આવી હોવાનું જાણવા મળી રહ્યું છે.

ડિલિવરી સ્કેમથી કેવી રીતે બચવું?

ઓનલાઈન શોપિંગ વધવાની સાથે ડિલિવરી સંબંધિત છેતરપિંડીના કિસ્સાઓ સામે આવી રહ્યા છે. કેટલાક કિસ્સામાં ડિલિવરી એજન્ટ પાર્સલ પહોંચાડ્યા વિના જ ઓર્ડરને Delivered માર્ક કરી દે છે. આ રીતે તેઓ પોતાના ડિલિવરી ટાર્ગેટ પૂરા કરવાનો પ્રયાસ કરી શકે છે. આ ઉપરાંત COD એટલે કે Cash on Delivery ઓર્ડરના નામે OTP સ્કેમ પણ થઈ શકે છે. કેટલાક ઠગ ઓર્ડર કેન્સલ કરવાના બહાને ગ્રાહક પાસેથી OTP માગે છે. OTP શેર કરવાથી બેંક એકાઉન્ટ અથવા અન્ય નાણાકીય વ્યવહારોને નુકસાન થઈ શકે છે.

કોઈની સાથે OTP શેર કરવો નહીં

રિટર્ન અથવા એક્સચેન્જ દરમિયાન પણ સાવચેત રહેવું જરૂરી છે. કેટલાક કિસ્સામાં અસલી પ્રોડક્ટની જગ્યાએ જૂનો અથવા નકલી સામાન મૂકવામાં આવતો હોવાના આક્ષેપો થાય છે. ગ્રાહકોએ પાર્સલ હાથમાં મળ્યા બાદ તેની યોગ્ય રીતે તપાસ કરવી જોઈએ. ખાસ કરીને પાર્સલ મળ્યા અને સામાન ચકાસ્યા પહેલાં કોઈની સાથે OTP શેર કરવો નહીં. કોઈ શંકાસ્પદ ઘટના બને તો તરત જ સંબંધિત કંપની અને પોલીસને જાણ કરવી જોઈએ.

નોંધ : આ વીડિયો YouTube પર @Mr.Shiva દ્વારા શેર કરવામાં આવ્યો છે. વીડિયોમાં કરવામાં આવેલા તમામ દાવાઓ અને માહિતીની TV9 ગુજરાતી દ્વારા પુષ્ટિ કરવામાં આવી નથી.

જુઓ Video

આ પણ વાંચો, Trending Video : ગૂગલની 83 લાખ રૂપિયાની નોકરી છોડીને વતન પરત ફર્યો યુવક, હવે કરી રહ્યો છે પગાર કરતાં પણ વધુ કમાણી