Trending Video : મોબાઇલ ચોરવા જતાં ચોરનો જીવ જોખમમાં મુકાયો! ચાલતી ટ્રેનમાંથી ફેંકવાનો વીડિયો વાયરલ

ચાલતી ટ્રેનમાં મુસાફરોના મોબાઇલ ફોન ચોરવાનો પ્રયાસ કરવો એક શાતિર ચોરને ભારે પડ્યો. બિહારના શિવનારાયણપુર રેલવે સ્ટેશન પર બનેલી આ ઘટનાનો વીડિયો સોશિયલ મીડિયા પર ઝડપથી ફેલાઈ રહ્યો છે. વીડિયોમાં જોવા મળે છે કે ગુસ્સે ભરાયેલા મુસાફરોએ ચોરને ટ્રેનની બારીમાંથી લટકાવી દીધો અને ત્યારબાદ ચાલતી ટ્રેનમાંથી નીચે ફેંકી દીધો. આ ચોંકાવનારી ઘટનાએ ઇન્ટરનેટ પર એક ગંભીર ચર્ચા જગાવી છે કે આખરે મોટો ગુનો કોણે કર્યો છે ? મોબાઇલ ચોરનારા ચોરે કે પછી તેની જિંદગી જોખમમાં મૂકનારા મુસાફરોએ?

મોબાઇલ ચોરીનું ખતરનાક પરિણામ

વાયરલ થઈ રહેલા વીડિયોમાં જોઈ શકાય છે કે શિવનારાયણપુર રેલવે સ્ટેશન પર એક ચોર મુસાફરનો ફોન છીનવીને ભાગવાનો પ્રયાસ કરી રહ્યો હતો. જોકે, સતર્ક મુસાફરોએ તેને પકડી લીધો હતો. ટ્રેન આગળ વધી રહી હતી ત્યારે ચોર બારીની બહાર લટકતો જોવા મળ્યો હતો. તે પોતાનો જીવ બચાવવા માટે વિનંતી કરતો હોવાનું પણ વીડિયોમાં દેખાય છે. મુસાફરોનો ગુસ્સો સાતમા આસમાને હતો અને તેઓ કહેતા સંભળાય છે કે, ‘આજે તો તું ખરાબ રીતે ફસાઈ ગયો છે.’

ચાલતી ટ્રેનમાંથી નીચે ફેંકાયો ચોર

ટ્રેનની ઝડપ વધતાં મામલો વધુ ગંભીર બન્યો હતો. મુસાફરોએ ચોરનો હાથ છોડી દેતાં તે પ્લેટફોર્મ પર નીચે પડી ગયો હતો. સદનસીબે, તે ટ્રેનનાં પૈડાં નીચે આવ્યો નહોતો અન્યથા મોટી દુર્ઘટના સર્જાઈ શકી હોત. X (અગાઉનું ટ્વિટર) પર @rameshofficial0 નામના હેન્ડલ પરથી આ વીડિયો શેર કરવામાં આવ્યા બાદ તેને આશરે 10 લાખ વખત જોવામાં આવ્યો હોવાનો અહેવાલ છે. વીડિયો પર અનેક કમેન્ટ્સ પણ આવી રહી છે.

મોટો ગુનેગાર કોણ?

આ વાયરલ વીડિયો જોયા બાદ સોશિયલ મીડિયા પર લોકોના અલગ-અલગ અભિપ્રાયો સામે આવી રહ્યા છે. એક તરફ કેટલાક લોકો મોબાઇલ ચોરવાના પ્રયાસ બદલ ચોરની ટીકા કરી રહ્યા છે, તો બીજી તરફ ઘણા લોકો મુસાફરોએ ઉઠાવેલા જોખમી પગલાની સખત નિંદા કરી રહ્યા છે. એક યુઝરે કમેન્ટમાં લખ્યું કે, મોબાઇલ છીનવવો ગુનો છે, પરંતુ કોઈને ચાલતી ટ્રેનમાંથી નીચે ફેંકીને તેની જિંદગી જોખમમાં મૂકવી પણ અત્યંત ગંભીર બાબત છે. મોબાઇલ ફરીથી ખરીદી શકાય છે, પરંતુ કોઈ વ્યક્તિનો જીવ પાછો લાવી શકાતો નથી.

કાયદો હાથમાં લેવો કેટલો યોગ્ય?

ઘણા લોકોનું કહેવું છે કે મુસાફરો ઇચ્છતા તો ટ્રેનની ચેઇન ખેંચીને ટ્રેન રોકી શકતા હતા અને ત્યારબાદ ચોરને સુરક્ષિત રીતે રેલવે પોલીસને સોંપી શકતા હતા. પરંતુ તેને ચાલતી ટ્રેનમાંથી નીચે ફેંકી દેવો કાયદો હાથમાં લેવા સમાન છે. આ ઘટનાએ ફરી એકવાર સવાલ ઊભો કર્યો છે કે ગુનાનો વિરોધ કરતી વખતે કાયદાકીય મર્યાદાઓ જાળવવી કેટલી જરૂરી છે. ગુનેગારને પકડવો યોગ્ય હોઈ શકે, પરંતુ કોઈનો જીવ જોખમમાં મૂકવો ગંભીર પરિણામો લાવી શકે છે.

જુઓ Video

Shocking: At Shivnarayanpur Railway Station, a thief tried to snatch a mobile phone from a moving train and run away, but he was caught and held through the window https://t.co/Eii1vALd4u

— Ramesh Speaks (@rameshofficial0) October 12, 2026

આ પણ વાંચો, Trending Video : પ્રાઇવેટ જેટની ચાવી કેવી હોય છે? પાયલટે બતાવી દરવાજો ખોલવાની રીત